بعد تصريحاته عن أم كلثوم.. محمد عطية: مش بقلل منها ولكن صوتها مش بيوصلني
أثار الفنان محمد عطية جدلا واسعا على مواقع التواصل الاجتماعي، وذلك بسبب تصريحاته عن كوكب الشرق أم كلثوم.
تصريحات محمد عطية
وقال محمد عطية لـ القاهرة 24: أنا كنت كاتب بوست على حسابي الشخصي وبهزر، مش عارف ليه الناس بتثير الجدل، فين المشكلة لو أنا مبحبش أم كلثوم؟ دي أذواق ومش هقلل منها ولا من تاريخها ولكن مع احترامي وأنا بسمعها صوتها مش بيوصلني، وممكن حد تاني ميحبش عبد الحليم أو عمرو دياب وده مش معناه أنه قليل فنيًا أو مش مهم.
وسبق وكتب محمد عطية عبر حسابه بموقع فيسبوك: أنا مبحبش أم كلثوم، وبقالي 3 أيام بحاول أحبب نفسي فيها، وبقيت أشغل أغنية ليها قبل ما أنام وكل يوم بروح في النوم قبل ما تكون بدأت تغني.
ومن ناحية أخرى، تصدر محمد عطية تريند مواقع التواصل الاجتماعي بعد تصريحاته عن المساكنة، حيث قال في تصريحات تلفزيونية: فيه حاجات كتير في الدين صعب أتقبلها، زي تعدد الزوجات والقتل باسم الدين، وممكن أتجوز من غير دين؛ لأن الزواج عرف بشري اخترعوه بسبب الزراعة، ولو أنا بحب إنسانة ليه ندخل المجتمع والقوانين بينا؟ الأنسب نتجوز من غير عقد زي المساكنة، لأن المعظم بيتجوز عمياني مع أن الجنس جزء مهم في العلاقة، وبيحصل حالات طلاق بسببه، والأفضل نعيش مساكنة ونشوف ينفع نعيش مع بعض ولا لأ.
