عدوية شعبان عبد الرحيم: ندى الكامل خسارة فيها الفلوس.. لو اتعرض عليّا اتجوزها وعرفي يبقى بعطف عليها
سخر الفنان عدوية شعبان عبد الرحيم من ندى الكامل، طليقة الفنان أحمد الفيشاوي، بعد شائعة زواجها مؤخرًا من الفنان عمر كمال، كما شن هجومًا عنيفًا عليها.
عدوية شعبان: ندى الكامل لا تستحق الزواج الرسمي
وكتب عدوية شعبان عبد الرحيم منشورًا عبر حسابه الشخصي بموقع التواصل الاجتماعي فيس بوك جاء فيه: ندى الكامل خسارة فيها الفلوس والجواز الرسمي.. أنا لو اتعرض عليّا اتجوزها وعرفي أبقى بعطف عليها كله نفخ بلا أونطة، ما يملى عينك يا ابن آدم إلا التراب.
حقيقة زواج عمر كمال وندى الكامل
وسبق وأثارت ندى الكامل، حالة من الجدل عبر مواقع التواصل الاجتماعي، بعدما وجهت رسالة دعم لـ عمر كمال عبر حسابها بموقع انستجرام، جاء فيها: أنا بحب طيبة قلبك وإنسانيتك يا عمر واللي بتقدمه للمجتمع، وأتمنى كل إنسان يعمل زيك لأنك إنسان عظيم.. وأنا بحبك.
وتداولت بعض الأخبار مؤخرا، حول زواج ندى الكامل والفنان عمر كمال، وذلك بعد انتشار صورة للأخير مع الداعية الإسلامي الشيخ أسامة قابيل.
وقال عمر كمال في تصريح خاص لـ القاهرة 24: الكلام ده مش صحيح، وأنا عزمت الدكتور أسامة قابيل في بيتي، ودكتور أسامة هيصحح الكلام ده، ولكن الصورة ملهاش علاقة بـ ندى.
عمر كمال: ياريت تسيبوني في حالي
كما كتب عمر كمال منشورا عبر حسابه الشخصي بموقع فيس بوك، جاء فيه: إمبارح شُفت صديقي الدكتور أسامة قابيل، بعد شغله ونورني وكان قعدة جميلة، وأخدنا صور عادية بعد القعدة، وكان لابس اللبس الأزهري الجميل لأنه بعد شغله، الناس في لحظة ربطت ده إنه كتبت كتابي وبحاجات شخصية في حياتي، مع إنى كنت لابس شورت وكاب وقاعد في قعدة خاصة جدا مع ناس بحبها، ليه يا جماعة فيه ناس عندها إصرار تخليني أطلّع كلام مش عاوز أقوله وتفتش ورايا؟.
وأضاف عمر كمال: ليه الناس متراعيش إن كل واحد ليه أهل وأسرة بيعملهم مشاكل معاهم بكل كلمة غلط بتنزل، ياريت يا جماعة تسيبوني في حالي، وتراعوا ربنا في سيرة الناس، وفيه حاجات في مصر أهم 100 مرة مني، ومن أخباري الشخصية.
