أحمد زاهر بعد تعرضه للانتقادات: مش قصدي أهين أي مهنة.. وأتحدى أي حد يشتغل أكتر من 12 ساعة
رد الفنان أحمد زاهر على الانتقادات التي تعرض لها بعدما وصف مهنة التمثيل بأنها أصعب مهنة في التاريخ ولا يوجد طبيب أو مهندس أو قاضٍ يستطيع العمل عدد ساعات متواصلة قد تصل إلى 36 ساعة مثل مهنة التمثيل.
وقال أحمد زاهر لـ القاهرة 24: مش قصدي أتفه أو أقلل من أي مهنة في الكون حتى مهنة الزبال وأي مهنة تحترم وعلى راسي ولا أقصد أقول إن مهنة التمثيل أعظم مهنة في التاريخ لكن أصعب في عدد ساعات وأصعب في التعب، لأن مفيش أي فرد في مهنة يتحمل عدد الساعات اللي إحنا بنتحملها.
وأضاف: ماحدش في الدنيا يقدر يقف على رجله 36 ساعة متواصل لأن أي مهنة لها عدد ساعات، معروف ومطبق ومفيش دكتور يعمل عمليات في 36 ساعة، وأنا آسف اتحدى أي مهنة في الدنيا بتكمل عن 12 ساعة وهي دي القوانين لكن إحنا في التمثيل اللي بنخترق القوانين، وجسمنا مش بيكون قادر ومع ذلك بنحاول وبنقدر وبنام وإحنا واقفين.
وكان أحمد زاهر تحدث في لقاء تلفزيوني أمس، عن صعوبات العمل في مهنة التمثيل، مؤكدًا أن التمثيل أصعب مهنة في التاريخ.
المهنة بتدمر نفسيتنا:
وقال أحمد زاهر إن مهنة التمثيل تدمر نفسيتهم ومشاعرهم مضيفًا: بنعيش نفسنا في مشاعر معينة 13 أو 14 مشهدا والجهاز العصبي عندنا بيدمر والناس فاكرة إننا بنهزر، ولكن إحنا أخطر شغلانة ممكن تدمر أي بني آدم.
بنصور 36 ساعة متواصل
كما أكد أحمد زاهر أنه كان لا يحب أن تعمل ابنتيه ليلى وملك في مجال التمثيل، مشيرًا إلى أن تامر حسني هو من أصر عليه وطلب منه أن تشاركاه في فيلم عمرو وسلمى، مضيفًا: المهنة صعبة، خاصة على الستات وصعبة نفسيًا ومواعيدها وحشة، لأننا بنصور 26 ساعة متواصل مش تلات ساعات وبنصور في عز التلج وإحنا لابسين صيفي والعكس، أنا صورت 36 ساعة في مسلسل، هاتي لي دكتور أو مهندس او قاضي أو أي مهنىة يقدروا يشتغلوا على رجلهم الساعات أنا آسف ماحدش يقدر لأن شغلتنا أصعب مهنة في التاريخ.
