شيرين عبدالوهاب: هعيش في النور وأنزل أنا وحسام ناكل فول وطعمية وسط الناس
قالت الفنانة شيرين عبدالوهاب، في أول ظهور لها بعد تعافيها، إنها عادت مرة أخرى لحسام حبيب، قائلة: هعيش في النور وأنزل أنا وحسام ناكل فول وطعمية وسط الناس وكنا ناويين نعمل ده يوم السبت.
وأضافت شيرين في تصريحات تلفزيونية، نضال الأحمدية أول من علمت بخبر زواجها من حسام وأرسلت لهم بوكيه ورد ودعت لهم بصالح الحال والتوفيق.
وتابعت شيرين: أنا زي أي بنت خارجة من بيت ومتربية على عادات وتقاليد وبحط جوزي فوق دماغي، وسامحوني أمور بيتي ديه مش هتطلع للعلن.
واستطردت: بشكر كل الناس ويا رب تناموا مبسوطين النهاردة.
وقالت في وقت سابق، تم كتب كتابي على حسام حبيب، وبطمن الناس عليا وعايزة أعتذر لحسام وأقفل فقرة حياتي الخاصة مع الناس، لأن الناس انشغلوا بيا وسط مشاكلهم، واللي حصل ده شيطان بين 2 متجوزين والحمد لله ربنا فكها بسلام، ومقدرش أقول إن حد عملي عمل، بس الكلام ده ذكر في القرآن، سيدنا محمد الناس اختلقت عليه وهو خير البشر وبنشوف حكايته ونخدها عبره، وحسام حبيب طيب وأهله ناس طيبين، وبوعد الناس إنه كفاية أمور شخصية.
