عمرو أديب: عندنا مشكلة وعي.. وفكرة الإلهاء انتهت منذ سبعينيات القرن الماضي
قال الإعلامي عمرو أديب، إن هناك جملة متكررة على مواقع التواصل الاجتماعي منذ فبراير الماضي متعلقة بفكرة الإلهاء، مشيرًا إلى أن فكرة الإلهاء انتهت منذ سبعينيات القرن الماضي.
وتساءل أديب، خلال برنامجه الحكاية، مساء السبت: حد راح السوبر ماركت وعرضوا الأسعار عليه، قال له لو سمحت أنا ملهي ومتابع حادث الست اللي كلت دراع جوزها، محدش خد باله من الدولار؟، هل في حد اتلهى ومش واخد باله من حرب روسيا وأوكرانيا؟ في حد مش واخد باله من غلاء الأسعار؟، مؤكدًا: مصر مش عايشة جوة السوشيال ميديا، السوشيال ميديا هى اللي عايشة جوة مصر.
وأشار إلى أن المواطنين ملهيون الآن في موضوع واحد وهو أكل العيش، متابعًا: أنا بقعد مع البشر كلها من تحت لفوق؛ من المديونير للملياردير، لكن في هنتريش بأجنحة بيحاول يقنعنا إن في حد ملهي بما تتناقله مواقع التواصل الاجتماعي.
واستطرد الإعلامي عمرو أديب: كام واحد في مستشفى الأمراض العقلية اللي اسمها مواقع التواصل عشان يتلهوا، في ناس عاوزة تعيشك إنك في دولة بوليسية، خلصت اللهوة الأولانية خد اللهوة التانية، يا جماعة فوقوا من الوهم، في واقع الدولة والحكومة تعيشه، وعندنا مشكلة وعي وفيه ما بينا ناس مش وراها حاجة، هو في حد عرف يلهي المصري عن الأرز؟.
