أصالة عن حفلها بموسم الرياض: بتساوي العمر كله.. وأشكر هؤلاء
وجهت الفنانة السورية أصالة نصري الشكر إلى أهلها وأصدقائها وفرقتها الموسيقية وأبنائها وغيرهم بعد مساندتهم لها ودعمها في حفلها ضمن فعاليات موسم الرياض بالمملكة العربية السعودية.
وكتبت أصالة عبر حسابها بموقع انستجرام: شكرًا صديقتي الحبيبة سلمى لبّستيني أحلى مجوهراتك واخترتي لي واهتمّيتي.. شكرًا أهلي أصحابي فرقتي الموسيقيّة أفضل وأهم أساتذة موسيقى بالعالم العربي والمايسترو أخي الصديق مصطفى حلمي وبتمنّى تكون ارتحت بعد كلّ التّعب اللي عشته معي وقبلي حضّرت وذاكرت وأتقنت.
وأضافت: شكرًا أخي أنّوستي على كلّ محبّتك ودعمك وإصرارك تكون دائمًا جنبي حبيبي وأنيسي وسامحني عالمفاجأة.. شكرًا ولادي أنتوا متل مابتمنّى وبطمح وبتحمّد ربّي عليكم.
وتابعت: شكرا هيئة التّرفيه وعلى رأسها حبيبنا الطيّب الغالي الّلي هوّه بطل هالليله والدّاعم الأساسي والأهمّ (أبو ناصر).. شكرًا روتانا بيتي الأوّل والدّائم اللي فيه إخوتي الكتار متجمعين على حلم نحققه سوا وعلى رأسها المُعلّم الموجّه المُحبّ الأبّ أبو فوّاز.
واستكملت: شكرًا زوجي الّلي لولاه أنا ما عملت اللي عملته بهالليلة والّلي شال عنّي كلّ تعب وكلّ تفكير وترك لي متعة أحفظ وغنّي وبس الدّنيي كلّها فايق.
وأنهت حديثها كاتبة: بختم بشكر وطني الحنون وطني الحاضن وطني الأمان وطني الدّاعم وطني الغالي السعودية وكلّلي امتنان وكلّلي فخر بقيادة وطني العظيمة ملك حفيد ملوك والد للشًباب السعودي حكيم يسمو بهم حتّى طالت بلادي عنان السماء وولي عهد بطل من أبطال هالزّمان جريء شجاع طيّب نبيل داعم في جميع المجالات..وأخيرًا بختم بشكركم كلكم الأغلبيه المحبة والأقلية المُنتقده لأنّي لولا هذا وذاك ماحقّقت اللي حقّقته..تعيشوا ونكرّر هالليله ليالي كتير بكلّ وطن بقلبي إله مطرح من كلّ بلادنا العربية.
حفلة أحلامي
وفي منشور آخر كتبت: لّلي بدّي قوله كتير والّلي بدّي أشكرهم كتار ومشاعري صعب الكلام يفسّرها.. محبًتكم عشت فيها عمري كلّه متل وطن حنون طيّب.. الحفلة اللي بدّي أحكي عنها هيّي حفلة أحلامي فيها من محطّاتي شوي شوي واكتشفت منّ خلالها إنّنا أنتوا وأنا أكتر منّ أهل وأكتر من أصحاب.
وأضافت: نحنا خليط منّ كلّ غالي وبتلفّ الأدوار علينا بكلّ قصّه بأغنيه بنحكيها.. والأحلى إنّنا مافينا صغير وكبير نحنا بنتجمّع طاقه وكلّنا بنكون بعمر واحد.. أنا مع الصغار عم شوف معهم بكره وبنفس الحماس معهم برسمه.. وأنا مع الكبار بساعدهم لننسى كلّ وجع مرّ علينا وسوا نتجاوزه..الليلة اللي بدّي أحكي عنها بتساوي عمر بأكمله.. ناس كتير تعبت فيها رح أذكر منهم بعضهم.
واستطردت: شكرًا غازي الملاك الشّغوف المخلص الّلي عرف بحقّق الحلم..وشكرًا سابين الستّ الّلي ماصار متل إصرارها لتنجز مهمّتها بأجمل صوره وبإتقان بالغ..ومايا الأنيقة اللي اختارت لي أحلى فساتين مناسبه للمناسبه.. شكرًا أحمد الدوغجي على الصورة الرهيبة.. شكرًا طوني صديقي الّلي دائمًا سند وبيفكّر لي..شكرًا حنّونه الحنونة الّلي بتخاف علي خوف الأمّ على بنتها ولذلك بطلع معها غير.. شكرًا طوني صوايا طوّلت لي شعري ريحتني من انتظاره يطول لحاله ومتل ما أنت دائما راقي شاطر هادي.. شكرًا للعالميّة سيّده من لبنان عشقي وهواي الرّاقيه ريم عكرا.
