محمد عبد الرحمن عن انتقادات مسرحية سيدتي الجميلة: بقينا جلادين.. واللي بيفهم بيتفرج الأول وبعدين يحكم
علق الفنان محمد عبد الرحمن على الانتقادات التي تعرضت لها مسرحية سيدتي الجميلة بطولة أحمد السقا وريم مصطفى على مواقع التواصل الاجتماعي، مؤكدًا أنها لا تٌقارن بالنسخة التي قدمها الفنان الراحل فؤاد المهندس مع شويكار.
وقال محمد عبد الرحمن لـ القاهرة 24: مفيش وجه مقارنة بين النسخة التي سنقدمها والنسخة التي قدمها الفنان الراحل فؤاد المهندس؛ لأنه عظيم وعملها في عصره ونجحت وأحنا بنعملها بشكل تاني مختلف ومجددين فيها حاجات كتير وأتمنى تنجح زي ما نجحت زمان وأكتر.
وواصل محمد عبد الرحمن: نفسي الناس تتفرج وبعدين تحكم وأحنا بقينا جلادين وأنا سايب الناس تتكلم براحتها ولكن اللي بيفهم بيتفرج الأول وبعدين يقول رأيه، ونفس الهجوم الشرس علينا حصل في مسرحية حواء الساعة 12، ولكن شايف إن الهجوم دا دعاية مجانية لينا.
وأضاف محمد عبد الرحمن: أنا كـ بني آدم عادي لما بروح السينما بتفرج الأول وبحكم بيني وبين نفسي والحاجة الحلوة بخليها لنفسي والوحشة لنفسي، إنما مش بكتبها على السوشيال ميديا زي ما بيحصل حاليًا.
مسرحية سيدتي الجميلة
ويذكر أن المعالجة الجديدة من مسرحية سيدتي الجميلة تضم عدد كبير من الفنانين، أبرزهم الفنان أحمد السقا، ريم مصطفى، محمد عبد الرحمن، ليلى عز العرب، بالإضافة إلى علاء مرسي، محسن منصور، والمعالجة الدرامية من كتابة أيمن بهجت قمر ومن إخراج حسن عبد السلام.
