حنان شوقي: دعيت ربنا لو أنا غلط يعرفني.. وشُفت النبي في ليلة القدر ورميت الدنيا واشتريت نفسي
كشفت الفنان حنان شوقي، سبب ابتعادها عن الساحة الفنية خلال الفترة الماضية، مشيرة إلى إنها مرت بفترة إصلاح على المستوى النفسي والأخلاقي.
وقالت حنان شوقي في تصريحات تلفزيونية: أنا رميت الدينا ودوست عليها وبما فيها، وقررت أشتري نفسي وقلبي وروحي، واتاخدت للحقيقة واللي أنا مخلوقة علشانه، ولقيت نفسي غريبة في الدنيا وحاسة إن روحي مش معايا، ودعيت ربنا كتير جدًا، قُلت يا رب لو أنا غلطانة عرفني وارشدني، ولو أنا صح ارشدني للحاجة اللي زيي.
وتابعت حنان شوقي أنها بعدما رأت الرسول تغيرت حياتها بالكامل، قائلة: في رمضان ختمت القرآن وأنا قاعدة على السرير أنا شُفت ليلة القدر، أنا شُفت سيدنا النبي يقظة مش منام، ودي غيرتني 360 درجة، أتهديت واتبنيت زي ما ربنا عاوز في كل شيء، نفسيًا وأخلاقيًا.
حنان شوقي
وعلى جان آخر، سبق وكرم رئيس مهرجان الإذاعة والتلفزيون محمد فرج، عددًا من النجوم من بينهم الفنانة حنان شوقي، حيث وجهت حنان شوقي رسالة إلى الرئيس عبد الفتاح السيسي في أثناء تكريمها، قائلة: أنا لما بشوف الإذاعة بتقهر على طفولتي ومراحل عمري، أنا وبصوت كل الفنانين في الوطن العربي، بنطالب الرئيس عبد الفتاح السيسي، يرجع التليفزيون المصري كما كان.
وواصلت شوقي: أنا سعيدة جدًّا بالتكريم، ومبسوطة جدا، وافتكرت نفسي وأنا بشوف أبلة فضيلة، خصوصًا أن الإذاعة ربتني فنيًّا وثقافيًّا وعلمتني الاحترام، أنا شربت الفن من الإذاعة.
