عمر خورشيد: فوجئت إن كان فيه مهرجان سينما وفجأة خلص.. ومشُفتش دريس كود
كشف الفنان عمر خورشيد، عن سبب عدم حضوره ووالدته الفنانة علا رامي، المهرجانات الفنية، مشيرًا إلى إنه لم يُعحب بالدورة 44 من مهرجان القاهرة السينمائي الدولي برئاسة الفنان حسين فهمي.
وقال عمر خورشيد، في تصريح خاص لـ القاهرة 24: أنا مش شايف دريس كود، ولا شايف وضع ولا شايف مهرجان قاهرة سينمائي، ومش شايف نجوم ولا سينمائيين اتعزموا، أنا شايف مجهولين وكومبارسات راحوا، وبلوجرز وتيك توكرز اتعزموا اللي هو مين دول أصلًا، ده مش مهرجان سينما أنا شايف استعراض منظرة وفساتين بس، وفين الأفلام اللي شاركت فيه؟
وتابع: أنا فوجئت إن كان فيه مهرجان سينما وفجأة خلص، ولا كنت أعرف إن فيه مهرجان أصلًا، وكان وحش جدًا ومتعملش حلو.
عمر خورشيد
وسبق وكشف الفنان عمر خورشيد، عن مطالبته لوالدته الفنانة علا رامي، بترشيحه للمخرجين للمشاركة في الأعمال، قائلًا: والدتي لم تساعدني في مشواري الفني، وهي كانت رافضة إني أمثل، ولكن أنا أصريت ودخلت المعهد من وراها، وبعد ما عملت أول مسلسل اللي هو أشرار وطيبين الناس كلموها وتفاجأت إني في المعهد، وهي كانت مفكرة إني في جامعة لأني كنت في حاجة تانية وحولت لـ معهد فنون مسرحية قسم تمثيل وإخراج.
وأضاف: أكيد طلبت منها ترشحني لـ مخرجين ولما بقت ترشحني المخرجين بقوا يقولوا لأ عمر مش هيوافق لأن الدور صغير، يعني هما مستكبريني دايمًا على الشغل ده، ومفيش حد عرض عليا عشان أعرف الدور صغير فعلًا ولا لأ.
