أغنية آه ونص ردًا على اللي قالوا إني ظاهرة وبنتي الصغيرة مسيطرة بالبيت.. أبرز تصريحات نانسي عجرم
حلت الفنانة اللبنانية نانسي عجرم ضيفة على الفنان أمير كرارة، في برنامج سهرانين، وذلك على شاشة قناة on؛ احتفالًا بموسم رأس السنة 2023، كاشفة كواليس العديد من أغانيها ومشوارها الفني.
أبرز تصريحات نانسي عجرم
- عملت أغنية آه ونص ردًا على الناس اللي قالت نانسي ظاهرة، وهتعدي بعد نجاح أغنية أخاصمك آه.. رغم إني نزلت كليب يا سلام وسحر عيونه ونجحوا في ألبوم واحد.
- بنتي الصغيرة هي اللي مسيطرة في البيت، وكلمتها بتمشي واللي عايزاه بيجيلها.. أما بنتي الكبيرة فهي منظمة ومرتبة في حياتها وبتعزف بيانو واللي في النص بتحب ترسم والمطبخ وواخدة كل حاجة مننا.
- التيك تيوك اتعمل عشان الأمهات تتجنن.. كنت أدخل على بنتي الغرفة وألاقيها حاطه التليفون قدامها وبتغني.
- اكتشفت إن فيه حاجات حلوة على تيك توك.. وعملت حفلة ناجحة عليه أوقات كورونا وكان لها أصداء كبيرة وكانت الافتتاحية للأكونت بتاعي.
- باخد آراء بناتي في الأغاني.. لأن آرائهم صادقة أوي.. ولما أسمع الأطفال الأغاني وبيحفظوها بعرف إنها هتنجح.. لأن الطفل لما مبيحسهاش مش بيعرف يقول هي حلوة لو هي مش حلوة.
- مش بتمنى نجاح زيادة.. لأن محبة الناس نجاح.
- بابا وماما كانوا من وقت للتاني بيدوني كف صغير كده.
- أول مرة جيت مصر فيها كان من 20 سنة.
- لما بزور بلد أول حاجة بفتش عنها الأكل والمطاعم.
- ألبوم نانسي 10 سبب تسميته هو إن كل الأغاني كانت جميلة ومش عايزة اسميه باسم معين.. وكان الألبوم العاشر ليّ فخليته نانسي 10.
