بعد تصدره التريند.. محمد رضوان: مشهدي مع الكدواني في موضوع عائلي أحاسيسه حقيقة | خاص
كشف الفنان محمد رضوان كواليس مشهده مع الفنان ماجد الكدواني في مسلسل موضوع عائلي 2 والنجاح الكبير التي حققه، حيث تصدر المشهد تريند مواقع التواصل الاجتماعي.
وتحدث الفنان محمد رضوان عن كواليس مشهده مع الفنان ماجد الكدواني في مسلسل موضوع عائلي 2، وسر تصدره للتريند، قال في تصريحات خاصة لـ القاهرة 24: مشهدي مع ماجد الكدواني محضرتوش قبلها، كلها أحاسيس فطرية تجاه حد عزيز عليا، أصابه مكروه بالشكل ده لازم يحصل عندك الأحاسيس ديه طبعًا، كانت أحاسيس حقيقة، والحمد لله إن انتشر بشكل كبير، والأهم فيه إنه كان مشهد حقيقي، مكنش فيه تمثيل، وفي الآخر قلب كوميدي، وشخصية رمضان حريقة ليها طبعتها، وفي كلام بيقولوا رمضان مينفعش حد تاني يقوله، وفي كلام رمضان مينفعش يقوله، وفي تصرفات تقدر تقبلها منه، والشخصية الدرامية هي اللي هتفرض عليك التصرف، وأحمد ربنا على نجاحه وكله بفضله.
محمد رضوان: مترددش قبل المشاركة في موضوع عائلي 2
وعن تردده قبل المشاركة في الموسم الثاني من مسلسل موضوع عائلي أم لا، تابع رضوان: مترددتش في المشاركة في الموسم الثاني لمسلسل موضوع عائلي، ويعتبر واحد من أهم أعمالي الدرامية، لأن كل ما يحدث نجاح، نبحث عن نجاح أكبر، وأتمنى من ربنا إن نجاح الموسم ده يبقى أكبر من الأول.
