بعد زيارة شيرين عبد الوهاب لـ فضل شاكر.. بسمة وهبة تنفعل على الهواء: مفيش بجنيه تفكير؟!
انفعلت الإعلامية بسمة وهبة على الهواء، بعد زيارة شيرين عبد الوهاب وحسام حبيب لـ فضل شاكر، في مخيم بـ لبناني، إذ تعجبت الإعلامية من زيارتها لـ شاكر، بعد الاتهامات الموجهة له في الفترة الأخيرة.
وقالت بسمة وهبة في برنامجها: شيرين وحسام عملوا كارثة لما زاروا فضل شاكر في لبنان.. إيه يا شيرين مفيش بجنيه واحد تفكير، أنتِ رايحة تعملي زيارة تزعل منك الشعب اللبناني والعربي، وكل محب لوطنه وكل ومحارب للإرهاب؟!، مجاش على بالك لحظة تفكير، وحسام مفكرلكيش لحظة يقولك لأ دا خطر على مستقبلك؟، مش أنت يا حسام مدير أعمالها والمسؤول عن تصرفاتها؟.
وتابعت بسمة وهبة: شيرين كانت رايحة تقابل شخصية عظيمة اسمها زياد الرحباني.. كانت رايحة للقمة أنت وديتها للقاع يا حسام، ليه يا شيرين سيبتي كل حاجة وروحتي تزوري فضل شاكر في المخيم؟!، دا كان أحلى من أنك تقابلي زياد الرحباني.. اشمعنا فضل شاكر الإرهابي.. معقولة أنتم طبييعين أنتِ وحسام؟.
بسمة وهبة وشيرين عبد الوهاب
وأضافت بسمة وهبة: أنا زعلانة عشانك وزعلانة من حسام.. أنت قلت إن في ناس بتدمرها مين اللي بيدمرها النهاردة؟، فضل شاكر بقا إرهابي شارك جامعات متطرفة في القتل؟، ولحد اللحظة مدفعش ثمن، واللبناني لسه مسامحوش لأن يده ملوثه بالدماء، مخك كان فين بتزعلي جمهورك ليه، بتدمري نفسك ليه متستلميش لحد يمشيكي.
واختتمت بسمة وهبة: مين اللي منزل فيديوهات شيرين؟، أنت يا حسام اللي منزلها؟، أنت مدير أعمالها والمسؤول، أنت بتدمر شيرين، دا الفن ضد الإرهاب يا شيرين.
