أسرة الشعراوي لـ طارق الشناوي: اعرف دينك الأول وبعدين اتكلم
أعربت أسرة الشيخ محمد متولي الشعراوي عن استيائها من تصريحات الناقد الفني طارق الشناوي، عن الشيخ الراحل، خلال الساعات الماضية.
وقالت أسرة الشيخ الشعراوي لـ طارق الشناوي: هو أنت شوفت الشيخ عمل إيه علشان تنتقده، الذبابة فيها جناح شفاء وجناح مرض ده حديث عن الرسول.. الشيخ لما بيفسر أي حاجة بتكون من كتاب الله مش من دماغه.
وأضافت أسرة الشيخ الشعراوي في تصريحات خاصة لـ القاهرة 24: أنت بتتكلم في إيه؟ اعرف دينك الأول واعرف الحديث علشان تعرف تتكلم.. أنت خليك في الفن خليك في الحاجات المحددة اللي أنت بتنتقدها وشوف الجونة والحاجات اللي بتشوفها متجيش جمب علماء الأزهر.
تصريحات طارق الشناوي
وفي سياق متصل، علق الناقد الفني طارق الشناوي في تصريحات خاصة لـ القاهرة 24، على تقديم سيرة الشيخ محمد متولي الشعراوي في عمل مسرحي، حيث قال: ليس وقت تقديم سيرة الشعراوي في عمل مسرحي على خشبة المسرح القومي، إذ أكد الشناوي أن تقديم سيرة الدكتور مجدي يعقوب أو أحمد زويل أفضل من تقديم سيرة الشعراوي، لافتًا إلى أن روحانيات الشعراوي متخلفة وأفكاره رجعيه وضد العصر.
وأضاف الشناوي: الشعراوي كان عنده أفكار رجعية ومتزمتة، يعني كان بيقول حديث الذبابة اللي هو لو جناح الذبابة غرق في الشاي أو القهوة غرق الجناح الآخر وأشرب، على أساس أن جناح في داء وجناح فيه دواء، ودا مش منطق نصدره للناس لأنه يجيب أمراض.
