حورية فرغلي غلطت في عمليات التجميل ولم أقدم أدوارًا مبتذلة.. أبرز تصريحات ميسرة التليفزيونية
حلت الفنانة ميسرة ضيفة على أحد البرامج التليفزيونية، مُتحدثة عن مشوارها الفني، وكواليس تعاونها مع الفنان عادل إمام والفنان يحيى الفخراني، بالإضافة إلى تطرقها في الحديث عن حياتها الشخصية.
أبرز تصريحات ميسرة
- هند صبري أفضل ممثلة أجنبية تمثل بمصر
- ظافر العابدين به مواصفات الرجل اللي بيعجبني
- مها المصري وحورية فرغلي اتأذوا بسبب عمليات التجميل.
- حورية فرغلي غلطانة في موضوع عمليات التجميل ومصبرتش على نفسها، لأن عمليات التجميل في الأنف لازم يستنوا على العمليات أو أي تدخل من 6 لـ 8 أشهر وسنة، وهي مصبرتش
- أصالة احلوت أكثر بعد التجميل من إليسا
- أنا بخاف من المرض بس ولا أخافم من تقدم العمر
- بطلت أنفخ خدودي بعد اللي حصلي
- معظم الرجالة عندها انفصام شخصية.. يقبلوا لنفسهم ما لا يقبلوه لزوجاتهم.
- لو حبيت راجل واقتنعت بيه ممكن أكون زوجة ثانية، ولو اتأكدت إنها مقصرة معاه.. هكلمها ومش هتجوز بدون علم زوجته الأولى.
- عشت علاقة حب واحدة وأنا صعب أحب، وسيبته لأني لما بحب بفكر بعقلي، وهو كان مطلق وغلط كذا مرة معاها، وعمل ده قدام مراته ورفضته.
- الستات بيغيروا مني وبتخاف مني وقالولي في الجيم: كنا بنكرهك وبنتجنب نتعامل معاكي
- بابا مكنش هيوافق على أدوار إغرائي
- عملت دور بنت ليل ورقاصة بس معملتش حاجة مبتذلة.. آه كان فيه ضحكة وشخصية.. مطلعتش في أدوار ساخنة.. زي الأحضان وقُبلات.. ومشهد السرير مع عادل إمام مكناش مع بعض على السرير في نفس الوقت
