بحارب الناس اللي بتهين مهنة الرقص ولسة بعيش طفولتي.. أبرز تصريحات فيفي عبده في برنامج كتاب الشهرة
فن
فيفي عبده
حلت الفنانة فيفي عبده، ضيفة في برنامج كتاب الشهرة، المذاع عبر شاشة قناة الجديد اللبنانية، وكشفت خلال اللقاء العديد من الأسرار في حياتها الشخصية بجانب الحديث عن مشوارها الفني.
ونستعرض لكم أبرز تصرحيات فيفي عبده في برنامج كتاب الشهرة:
- فريد الأطرش قالي الفنان بيفضل يترعش كده خايفين من لقاء الجمهور.
- محدش ساندني في انطلاقتي.
- اول ثقة خدتها لنفسي من الفنانة نجوى فؤاد وسهير زكي ودول اللي كانوا على الساحة وكانوا نجوم.
- شهادة الخبرة أهم بكتير من شهادة المدرسة لأنكم بتاخدوا نفس الصف والحصة لكن الحياة بتوقعك في مطبات كتير.
- أنا مبحبش المرايه خالص ومسلماها لربنا وربنا عارف إني مش هعرف العب فيا كتير وكل تجعيدة في وشي ليها ذكرى وبيقولوا إني أحلويت أكتر.
- أمي تربيتها كانت قاسية جدًا وكانت تضربنا بالكرباج ولو واحدة غلطت تضربنا إحنا الـ 5.
- أبويا كان رياضي وصحته كويسة وأمي كانت بتربي كويس.
- مرة لقيت أمي معلقة أختي في النجفة ولقيت وشها فيه دم وقولت لأمي ازاي عملتي كده وكانت هتموت خلاص.
- مقدرش أكون زوجة تانية أبدًا ولعبت دور في كيد النسا وشيبتها، والراجل مفيش حاجة تملى عنيه.
- أنا مع الجواز العرفي مفيش مانع.
- حبيت واحد هندي والمفروض كنا نتجوز ووالدي مات فمكنش ينفع أسيب أخواتي وأروح الهند.
- روحت مع جوزي لـ كينيا حب يضحك عليّا فجابلي نمر وخضني، والنمر ده أكل صاحبه في نفس السنة، ولما نزلت مصر طلبت الطلاق.
- شيرين عبد الوهاب من حقها تعيش مع جوزها بالطريقة اللي تريحها ومن الحب ما قتل، وحاولي تقفلي عليكي بيتك ومتخليش عندك أصدقاء يضروكي.
- بقول للستات اوعي يروح منك الراجل خصوصًا لو لُقطة.. ولو خانك اعملي نفسك مش عارفة وخليكي جامدة واكسبي الحياة.
- اللي حبيته أنا حملت منه ونزلته، وكان هو لسه في أول حياته وأنا في أول حياتي ومكنش ينفع أخسر حياته ولا حياتي وكان غصب عني ومضطرة.
- بسبب رفض أهلي في البداية للرقص نمت في بير السلم ولما حسيت ببرد الدنيا لجأت لأهلي وماليش غير البيت مش الشارع ولا تحت بير السلم.
- أنا بحارب الناس اللي بتهين مهنة الرقص ده فن ومش محتاج ترجمة.
- فيلم القاتلة ده نقطة تحول في التمثيل والناس عملت فقرة الميد نايت بسبب نجاح الفيلم ده.
- مسجلتش المسرحيات بتاعتي كلها مكنش عندي وقت من الأفلام، وكنت بنام ساعتين بس لأني عملت 25 فيلم في 10 سنين مع الأمومة.
- أنا طالعة من تانية ابتدائي وكويس إني ثقفت نفسي بنفسي.
- عايزين يموتونا ليه الله يخربيوتهم حرام عليكم أنا لسه بعيش طفولتي.
- مش بخاف من الموت هو الحاجة الحقيقة في الدنيا لا مفر منها الواحد لازم يعمل لآخرته.
- أنا لبست لبس كليوباترا وكان الزي رائع، ونفسي أخد التاج بتاعها وأحطه على رأسي قبل ما أموت.
