صفوة لـ قعدة ستات: الرقص مهنة صعبة لأن الراقصة بتشغل معاها 40 راجل بشنبات
كشفت الراقصة صفوة أسرار حياتها الشخصية، وأسباب اعتزالها للرقص في وقت مبكر، مؤكدة أن مهنة الرقص صعبة للغاية.
وتحدثت صفوة عن هذه الكواليس، خلال لقائها مع الإعلامية مروة صبري، في برنامج قعدة ستات، الذي يعرض على شاشة القاهرة اليوم، إذ قالت: دخلي من الرقص كان كبير جدًا، وحتة راقصة دي أنا محيتها لأني اعتزلت من 14 سنة، وأنا مش حابة، أن يسبق أسمي اسم الراقصة، وأنا عارفة اللي بقوله ده هيقوم الدنيا عليا.
تصريحات الراقصة صفوة
وأضافت صفوة: وأنا عملت مجهود كبير جدًا، عشان أثبت إني ممثلة قوية، وعلشان أمحي أن يبقى قبل اسمي الراقصة، وده كلام أول مرة أقوله، وكلمة الراقصة في حد ذاتها في المجتمع الشرقي لا يتم قبولها، على الرغم من أن مهنة الرقص صعبة جدًا، ويكفي أن الراقصة بتشغل معاها 40 راجل بشنبات.
واستكملت صفوة حديثها: لغاية النهاردة، أما تيجي تشتمي حد هتقولي له كذا، وأنا صريحة، وعارفة إن ما فيش حد هيقول كده، وبرغم إني كنت شاطرة جدًا في مهنتي، ولما اعتزلت كان الاعتزال بدري جدًا، لأن المهنة بقيت مهنة لكل ما لا مهنة له.
برنامج قعدة ستات لـ الإعلامية مروة صبري
برنامج قعدة ستات، تقدمه الإعلامية مروة صبري على قناة القاهرة اليوم، يوم السبت من كل أسبوع، وتستضيف خلاله عددًا من نجوم الفن والشخصيات العامة والمشاهير.
