هاني رمزي: بحب نفسي وأنا ست.. وعمرو دياب لو سينجل مش هيعرف يغني
تحدث الفنان هاني رمزي عن سبب تقديمه دائمًا دور المرأة في أفلامه، بجانب حديثه عن الفنان عمرو دياب.
وقال هاني رمزي خلال تصريحات تليفزيونية: لسه ممثلتش أحسن فيلم ليا، وبقدم دور الست في معظم أفلامي لأنها مادة للضحك، وأنا بحب الستات وبحب نفسي وأنا ست، وما بين كل فيلم وفيلم ليا وقت كبير بسبب إن مفيش أفلام، وهضيع كل اللي عملته لو عملت أي حاجه وأنا بشتغل لمزاجي الفني.
وتطرق الفنان هاني رمزي للحديث عن الفنان عمرو دياب، قائلا: إزاي عمرو دياب سينجل لحد دلوقتي، تيجي إزاي أنا بحقد على عمرو دياب بسبب كم الستات اللي حواليه، ومستحيل عمرو دياب يبقى سينجل لو سينجل مش هيعرف يغني.
واستكمل هاني حديثه: أنجح حد في جيلي كريم عبد العزيز، ونفسي أجرب قصر محمد هنيدي، ولقب نمبر وان ده نسبي.
تصريحات هاني رمزي
وعن أكثر أعماله التي لا يحبها ولم يشاهدها حتى الآن، قال هاني رمزي: مش بحب مسلسل حكيم روحاني، لأن كواليسه مكنتش عجباني وكنت لسه في بداياتي، وحتى هذه اللحظة متفرجتش على المسلسل.
واختتم هاني رمزي حديثه عن آخر مشكلة تعرض لها: آخر مشكلة جاتلي كانت في الضرايب في أعمال مخدتش فيها فلوس وعليا فيها ضرايب، وبحاول أحل فيها لغاية دلوقتي ولسه متحلتش، ومعرفش أقيم نفسي كام من عشرة وأنا في الشخصية معدتش واحد من عشرة.
