هالة صدقي: الممثلين أرزُقيّة.. ويا ريتني باخد مرتب زي الموظفين

أعربت الفنانة هالة صدقي عن سعادتها البالغة، بتكريمها في مهرجان الأقصر للسينما الإفريقية، في دورته الـ 12، كما تحدثت عن التعاون مع الفنان محمد رمضان، والمخرج محمد سامي في مسلسل العمدة، المقرر عرضه في موسم رمضان 2023.

وقالت هالة صدقي خلال حوارها مع القاهرة 24 على هامش حضورها في المهرجان: مبسوطة إني بتكرم على أرض بلدي ووسط أهلي وفي أهم بلد أنا بحبها، الأقصر بلد عزيزة وغالية عليا، وأغنى بلد في العالم، فـ كوني بتكرم في معبد الأقصر مجمع الأديان دي حاجة كبيرة جدًا بالنسبة لي.

وتابعت هالة صدقي معلقةً على تشبيه العاملين بمهنة الفن بالموظفين: مهنة الفنانين مش زي الموظفين خالص، يا ريتني موظفة، على الأقل هاخد مرتب وتأمين ومعاش، اشتغلت أو مشتغلتش هاخد فلوس، لكن إحنا الممثلين أرزُقية.

تصريحات هالة صدقي عن الفن

وفي سياق آخر، تطرقت هالة صدقي للحديث عن التعاون مع محمد رمضان ومحمد سامي في مسلسل العمدة، قائلةً:  محمد سامي مفاجأة بالنسبة لي، لأنه من المخرجين اللي بيحبوا الممثل أوي، وكل الممثلين بيبقوا مختلفين معاه تمامًا، ومهما كانوا عظماء بيطلعوا معاه حاجة تانية، ومحمد رمضان أنا بحبه جدًا على المستوى الفني والشخصي، بيفكر برة الصندوق ومش هامه الدنيا وبيخبط فيها، وبيعافر في الصخر،  وأنا سعيدة به وبحب الناس له، حتى لو بيتحارب.

وتشارك هالة صدقي في الماراثون الرمضاني 2023، من خلال مسلسل العمدة، بطولة محمد رمضان، وعدد كبير من الفنانين، أبرزهم: مي كساب، زينة، إيمان العاصي، منة فضالي، وآخرين، ومن تأليف وإخراج محمد سامي.

لا تأمين ولا معاش.. هالة صدقي: بعمل كافيه جديد لأن مفيش مستقبل للفن