نظر قضية بنداري محامي كرداسة
تستكمل محكمة جنايات الجيزة اليوم الأحد، جلسة محاكمة محمد. ف، المتهم بـ قتل بنداري ويدعى حمدي بنداري أحمد، الشهير بـ محامي كرداسة عمدًا مع سبق الإصرار والترصد.
نظر قضية بنداري محامي كرداسة
وكانت جهات التحقيق، قررت إحالة المتهم بقتل بنداري حمدي والمعروف إعلاميًّا بـ محامي كرداسة، إلى محكمة الجنايات، وذلك لاتهامه بقتل المجني عليه عمدًا مع سبق الإصرار والترصد، بأن توجه إلى مكتبه في منطقة كرداسة، وأطلق عليه وابلًا من الأعيرة النارية حتى أودى بحياته؛ بسبب خلافات بينه وبين المجني عليه البنداري حول أحد القضايا داخل مكتب الضحية.
مقتل بنداري محامي كرداسة
جاء في أمر إحالة قاتل البنداري، أن جهات التحقيق اتهمت محمد فرحات إبراهيم الذي يبلغ من العمر 33 عامًا، ويعمل كهربائي سيارات وصائد حيوانات، ومقيم في منطقة أبو رواش، أنه بتاريخ 12 يونيو 2022، قتل المجني عليه بنداري حمدي عمدًا مع سبق الإصرار والترصد ظنًّا منه، تواطؤ المحامي مع خصومه في إهدار حقوقه القانونية، فتولد لديه فكرة إجرامية محكمة، لقتل المجني عليه.
وقال قاتل بنداري:هو اللي حصل إن أنا كنت شاري قطعة أرض من ناس وبعدما اشتريتها دخلت كاردون مباني وكانوا عايزين يرجعوا في البيعة وأنا مرضتش فراحوا ضرييني بالعصي وعوروني بالمطاوي وأنا روحت عملت محضر بالواقعة دي.
وأضاف المتهم أمام جهات التحقيق قائلا: روحت وكلت الأستاذ بنداري والناس دي خدت براءة وبعدها بفترة أنا كنت رايح الشغل لقيت نفس الناس دي مستنيني على الطريق وراحوا ضريبي بالنار وروحت المستشفى وعملت محضر باللي حصل وكان الأستاذ بنداري هو المحامي بتاعي والناس دي بردو خدت براءة، فأنا روحت للأستاذ بنداري عشان اسأله الناس دي خدث براءة إزاي قالي إن هما عملوا إعادة إجراءات في القضية.
المحامي راح شهد في المحكمة ضدي
وتابع المتهم أمام جهات التحقيق قائلا: أن المحامي بندراي راح شهد ضدي في المحكمة وعشان كده خدوا براءة وقبل الواقعتين دول أنا كنت خاطب واحدة اسمها نورا وكانت قريبة الأستاذ بنداري من بعيد وسيبتها وبعد ما الواقعتين دول حصلوا لقيتها جيالي البيت وقالت لي إن هي غضبانة من جوزها ومش عايزة ترجعله وعايزة تتجوزني وأنا قولتلها الكلام ده مش هينفع وخدتها وودتها بيت خالها ووقتها خالها وقرايبها قعدوا يضربونى وعوروني وأنا اتنقلت المستشفى والنيانة جت سألتني وأنا في المستشفى وبعد كده قلت للأستاذ بنداري يتابع القضية.
واستطرد المتهم أمام جهات التحقيق قائلا: وبعد فترة لقيتهم بيضغطوا عليا والأستاذ بنداري عشان أتجوز نورا فأنا اتجوزتها وخلفت منها بنتي مريم، أنا مكنتش راضي والأستاذ بنداري ضغط عليا عشان اتجوزها واتجوزتها، وأنا أصلا خطبتها فترة صغيرة وبعد كده عمي فشكل الخطوبة وكل واحد راح لحاله زمان، ومكنش فيه بينا أي حاجة.. وكانت القضية اللي أنا رافعها ضد أهلها لسه مخلصتش ووقتها كنت عايش أنا ونورا في بيتي ومكنش فيه مشاكل والدنيا كانت عادية وخلفت منها بنتي مريم بعد حوالي تمن شهور ونص.
وواصل قاتل بنداري المحامي اعترافاته قائلا: خلال الفترة دي وقبل ما تولد بحوالي 20 يوم هي خرجت من البيت ومرجعتش تاني فأنا اتصلت عليها قلتلها أنتي فين ومشيتي من البيت ليه؟، قالتلي أن هي في بيت أبوها وبعد ما أولد خد بنتك فقلتلها ليه فقالتلي القضية بتاعة أبويا وأحمد أخويا خلصت وخدوا براءة وقالتلي الأستاذ بنداري هو اللي مرتب الموضوع ده كله عشان قضية أبويا وأخويا تخلص، فبعد ما قالتلي كده اتصلت على الأستاذ بنداري ورد عليا وقلتله هي قضية أهل نورا خدت براءة قالي أه فقلتله هما خدوا براءة إزاي يعني قالي أن نورا راحت شهدت ضدي في المحكمة والموضوع خلص على كدة ورحت طلقتها عند نفس المأذون اللي جوزنا وكانت وقتها ولدت وخدت بنتي عشان ده اللي كنا متفقين عليه وهو ده اللي حصل.
