صالح عبد النبي: المهرجانات كلها عنف.. وانفصلت بعد 7 شهور من زواجي لهذا السبب
كشف الفنان اللبناني صالح عبد النبي سبب انفصاله بعد 7 شهور فقط من زواجه من فتاة مصرية، مشيرًا إلى أن اختلاف العقليات كان عائقًا بينهما، بجانب الحديث عن تأثير التريند السلبي.
وقال صالح عبد النبي لـ القاهرة 24: أنا أتجوزت من مصرية 7 شهور واتطلقنا بسبب اختلاف العقليات والفكر ما بينا، وممكن أتجوز تاني طبعا وهفكر، ومفيش مشكلة في الجنسية ولكن العادات والتقاليد هي السبب، واكتشفت أن الواحد الأفضل يتجوز من بلده عشان يكونوا فاهمين بعض.
وأضاف عبد النبي: اللبنانيين منفتحين عن المصريين، والراجل اللبناني منفتح أكتر من المصري ولكن بحدود والستات كمان، ولكن في الآخر كلهم ستات ونفس المشاعر ومحتاجين نفس الاهتمام ولكن اللي بيعيش هو المعاملة مش الحب بس.
كما تطرق صالح عبد النبي للحديث عن انتشار المهرجانات الشعبية، قائلا: المهرجانات ظاهرة تدل على الذوق المنتشر دلوقتي، ولو بصينا على عدد المشاهدات هنفهم، ومبقاش فيه أغاني رومانسية ومعظم أغاني المهرجانات كلها عنف ودا وصلنا للي أحنا فيه وبقى حرام حد يحب التاني إنما عادي نقتل بعض، واستغربت لما راغب علامة عمل أغنية شبه المهرجانات وكلماتها قاسية، ومينفعش أي حاجة نعملها عشان نجري ورا التريند.
آخر أعمال صالح عبد النبي
وعلى جانب آخر، شارك صالح عبد النبي في العديد من الأعمال الفنية التي حققت نجاحا كبيرا، كان آخرها مسلسل العائدون ومسرحية كازينو بديعة وتعاون مع أنغام في كليبها الجديد خليني معاك شوية.
