دعوات لمقاطعة ومبي بسبب عدم توفير جواكت للعمالة في البرد

انتشرت موجة من الغضب على مواقع التواصل الاجتماعي بعد نشر أحد مستخدمي موقع التواصل الاجتماعي فيس بوك منشورا على صفحته الشخصية يحكي فيه موقفا مر به خلال يومه، يعبر فيه عن مدى استيائه من تعامل العلامة التجارية ومبي إيجيبت مع موظفيها في البرد وعدم توفير جواكت لهم، والذي لحقه موجة من الغضب تطالب بمقاطعة العلامة التجارية ومبي مصر.

الموقف الذي تعرض له الشاب 

وقال محمد خالد على صفحته الشخصية بموقع التواصل الاجتماعي فيسبوك: كنت راجع بليل بعد 12،  وما تغدتش طول اليوم، فمش قادر أقف في زحمة الـ drive thru، وعايز أنجز فركنت، وشيلت هم إني أنزل في البرد دقيقتين، عشان أطلب أوردر.

وأضاف: المهم  نزلت وطلبت الأوردر وبحاسب الراجل لقيته بيرتعش!.. ركزت لقيته لابس T-Shirt بس!… وخفيف جدًا. يا ريته تقيل حتي!..مردتش أحرجه وأقوله معندكش جاكت في البرد ده؟ ببص لقيت كل الموظفين مش لابسين غير tshirts بس.. فا لما سألت لقيتهم بيقولوا إن الشركة مش بتوفر jackets، أو حتى مسموح ليهم يلبسوا جاكت أو كوفيه أو أي حاجة تقيلة فوق الـ uniform (الT-Shirt).

وواصل معبرا عن غضبه: موقف زي ده كان ممكن يبقي مقبول لو في فرع عادي أو في مول، إنما الفرع في وسط الفضى وسط الثلج ومفيش شباك مقفول حتي، وفي فروع زيه كتير وسط الصحراء في التجمع.

وأكمل: أنا حقيقي مكنتش مستحمل أقف دقيقتين أطلب أوردر، فما بالك بالناس اللي واقفه كده أكتر من ٨ ساعات كل يوم؟

واختتم: توضيح الموظف اللي كان بيرتعش من البرد، قال إنه معندوش مشكلة يثلج في البرد طول اليوم عشان أكل عيشه، بس نفسه في exception لإنه يلبس جاكت على الفجر (الساعة ٣)!…"من لا يرحم لا يُرحم". 

دعوات بمقاطعة ومبي

وبعد نشر الشاب هذا البوست انهالت موجه من التعليقات عليه، والتي تطالب معظمها بمقاطعة العلامة التجارية ومبي بسبب الاستهتار في التعامل مع العالمين بها، وعدم توفير الإمكانيات والمناخ المناسب للعمل.

حملة مقاطعة للدواجن بالإسكندرية بعد ارتفاع أسعارها.. ورواد: خليها تعفن