إيساف: بحيي ياسمين عز لكن مش بسمعها لأني جوه المطبخ الفني وفاهم الشغل ده كله
قال الفنان إيساف، إن الزواج مشاركة بين الطرفين، مشيرًا إلى أن كل شيء يجب أن يقوم بينهما بالحب والاتفاق.
وأضاف إيساف لـ القاهرة 24: أنا أحب أكون في بيتي مرتاح نفسيًا وجسديًا كمان، وأحب أتفهم من غير ما أتكلم بالحب مش بالأمر وأي حاجة في الدنيا بالاتفاق والحب والحياة الزوجية مشاركة.
إيساف يكشف رأيه في تصريحات ياسمين عز
وفي السياق ذاته، كشف إيساف عن رأيه في تصريحات الإعلامية ياسمين عز، قائلًا: عاجبني أن ياسمين عز عرفت تخلي الناس تبص لها أوي، وأنا كإيساف أي تريند في الدنيا مش بيشغلني خالص ده طبعي لكن هي عاملة جو وده اللي عاجبني فيها بغض النظر عن اللي بتقوله، هي بتلعب وخليها تلعب.
وأكمل: عاجبني إنها بتعدي قدامي كذا مرة ولكن مش بسمعها لأني عارف الفكر ده وعارف منبعه وسببه وعارف أن هدفه البلبلة وهي بتقول ليه، لأني أنا جوه المطبخ الفني ففاهم الشغل ده كله ودي حاجة حلوة وبرافو عليها وأنا بحييها.
إيساف يكشف رأيه في السن المناسب للزواج
ومن ناحية أخرى، كشف إيساف رأيه في السن المناسب للزواج بالنسبة للشباب، مشيرًا إلى أنه مع الزواج بعد سن الـ 35 عاما أو مع بداية الـ 40 عاما حتى تكون خبرات الشاب تكونت، قائلًا: أنا مش مع الزواج في سن العشرينات للشباب خاصة في العصر ده، لأن نسب الطلاق كترت بسبب الجواز السريع والبدري، حتى النبي لم يُبعث إلا بعد الأربعين سنة وده أكيد فيه رسالة.
إيساف يطرح عشان راجل
وعلى جانب آخر، طرح إيساف أغنية جديدة تحمل اسم عشان راجل، عبر موقع الفيديوهات يوتيوب، مؤكدا أنه تحمس لطرحها لأن كلماتها تحمل رسالة هادفة، من كلمات أحمد عادل توفيق وألحان أحمد البرازيلي وتوزيع محمود صادق وإخراج مارك سمير.
ويُشار إلى أن إيشاف تزوج مؤخرًا من فتاة تدعى رضوى، وذلك في الخمسة والأربعين من عمره.
