حكيم: العمارة ولعت أثناء تسجيل أغنية نار.. ونزلنا على سلم المطافي
كشف الفنان حكيم عن تفاصيل تسجيل أغنية نار، التي حققت نجاحا كبيرا فور طرحها، متحدثًا عن موقف كوميديًا حدث أثناء تسجيل الأغنية.
وحل الفنان حكيم ضيفًا على برنامج صاحبة السعادة التي تقدمه الإعلامية والفنانة إسعاد يونس، وتحدث عن تفاصيل أغنية نار، حيث قال: أغنية نار ليها ذكرى جميل أوي، كنت أول مره أتعامل مع عصام توفيق، وكان واخد مكتب في عبد الخالق ثروت وكنا قاعدين في الدور الخامس، وقاعدين في البلكونة وعملنا مزازيك كتير ومفيش حاجه راضيه تطلع خالص.
وتابع حكيم: وكنا قايمين ماشيين خالص، عصام ندهلي وقالي استنى معايا أغنية تيمه جديدة، قولتله وريني يمكن توفق معانا، ونعمل حاجه.
واختتم حكيم: رجعنا تاني سمعني أغنية نار، قولتله أهو تعالى نشتغل، قعدنا تاني، نقول نار نار بليل، لقينا العمارة ولعت من تحت، والمطافي جت، وإحنا متشعلفين فوق، والجيران كانت بتقول يا عم ياللي ولعت في العمارة وبتقول نار، ونزلنا على سلم المطافي، وفاكر اليوم ده تحديًدا لإن المحلات اللي تحت هي الولعت.
حكيم: فيه ناس في أمريكا قالوا لي لما بنسمعك بنشم ريحة مصر
وكان تحدث حكيم عن بداياته في الغناء، قائلًا: فيه ناس في أمريكا قالوا لي لما بنسمعك بنشم ريحة مصر، وفي ناس كان بقى لهم 30 سنة ما رجعوش مصر قالوا لي بنشم ريحة مصر لما بنشوفك والتعبير ده لمسني بجد لأني بفكرهم بمصر وأنهم مصريون وما اتغيروش مع الغربة والحياة والدنيا هناك ما غيرتهمش وحابين اللون الشعبي.
