بوسي: مفيش زوجة كانت هتستحمل ظروف نور الشريف.. وقعدنا 3 شهور منشوفش بعض غير في الإجازات
تحدثت الفنانة بوسي عن علاقتها بزوجها الراحل الفنان نور الشريف، مشيرةً إلى أهمية وجود عامل مشترك بينهم وهو عملهما بالفن، مما سهل حياتهم الزوجية بشكل كبير.
وقالت بوسي في لقاء قديم ونادر لها: لو أنا ست عادية مش هقبل إن جوزي طول اليوم يكون بيشتغل وكنت هطالبه بحقي إني على الأقل أخرج مرتين في الأسبوع وده مش موجود لأن إحنا الاتنين عارفين المهنة دي مرهقة قد إيه.
وتابعت: نور بيلبس هدومه ويروح شغله الساعة 2 بليل، فـ طبعًا مكنش حد هيوافق على ده لو ست عادية، وحاليًا مثلًا أنا بشتغل مسرح وبرجع الساعة 3 بليل وهو بيكون نايم وهو ينزل الصبح الشغل بدري وأنا بكون نايمة، فـ قعدنا تقريبا 3 شهور مش بنشوف بعض غير في أيام الإجازة.
واختتمت حديثها قائلةً: فـ لو اتنين مش في الفن كانوا هيزهقوا من الوضع ده والحمد لله إن ولادنا كمان بيحبوا الفن وإلا كانوا هما كمان زهقوا مننا، وهما اتنشأوا في البيت الفني ده ف مش حاجة جديدة عليهم.
مسلسل البرنسيسة بيسة
على الجانب المهني، يعد مسلسل البرنسيسة بيسة آخر أعمال بوسي، حيث شاركت به مع الفنانة مي عز الدين، وعرض العمل في رمضان 2019، وشارك في بطولة العمل عدد من الفنانين، أبرزهم رنا رئيس، أمير المصري، محمد أنور، سامي مغاوري، أحمد حلاوة، إيمان السيد، حجاج عبد العظيم، سليمان عيد، حسام داغر، وآخرين.
