صاحب مبادرة توزيع 300 كيلو أسماك بدلا من شنط رمضان: فرحة الناس كانت كبيرة
تبنى مجموعة من الشباب مبادرة لتوزيع الأسماك على الأسر المحتاجة في محافظة قنا برمضان 2023، وذلك بدلًا من توزيع شنط رمضان، وتواصل القاهرة 24 مع إسلام إسماعيل صاحب المبادرة الشبابية لتوزيع 300 كيلو من الأسماك الطازجة على الأسر المحتاجة في قنا لسرد قصة المبادرة.
مبادرة شبابية لتوزيع 300 كيلو أسماك في قنا
تحدث إسلام إسماعيل صاحب مبادرة توزيع الأسماك بدلا من اللحوم على الأسر المحتاجة عن سبب اتجاهه لتوزيع الأسماك بدلا من الدجاج أو اللحوم قائلًا: احنا السنة دي لاحظنا أن اللحوم اللي بتتوزع بمناسبة شهر رمضان قليلة جدًا، وكمان لو حد وزع فراخ، فهتكون واحدة بس ومش هتكفي أسرة.
وعن فكرة مبادرة توزيع الأسماك بدلا من شنط رمضان قال: خدت قرار أنا وصحابي بشراء سمك طازج من بحيرة ناصر، وقبل ما نوزعه للناس، جربنا السمك الأول، للتأكد من جودته.
وأردف قائلا: واشترينا 300 كيلو سمك، وقسمنا الشنط على 60 أسرة، وكل شنطة مكنتش بتقل عن 5 كيلو سمك، وبنجهز 100 كليو من الأسماك، وذلك لإفطار الأسر المحتاجة في رمضان.
وطلب إسلام إسماعيل بتعميم فكرته في توزيع الأسماك على المحتاجين بدلًا من الدجاج قائلًا: محتاجين إن الناس توزع الأسماك بدل من الفراخ، وده لأن السمك هيكفي معاهم في أكثر من وجبة، وتكلفة توزيع السمك مكنتش مكلفة.
إسلام إسماعيل: فرحة الناس بالأسماك كانت أكثر من كراتين رمضان
واختتم إسلام إسماعيل في حديثه عن ردة فعل الناس عند توزيعه لأسماك قائلًا: احنا بنوزع كراتين رمضان، لكن فرحة الناس بالأسماك كانت أكبر من الكراتين، وأكتر حاجة بسطتني فرحة الناس.
