خريجات علوم سياسية وفلسفة.. شيماء وعبير تعملان على عربية فول لـ سحور رمضان
تزامنًا مع حلول شهر رمضان الكريم، يتنافس العديد من الشباب في إقامة مشاريع صغيرة لتقديم السحور في رمضان، وفي معظم الأوقات يكون أصحاب تلك المشاريع من الرجال، لكن عبير وشيماء كسرتا تلك القاعدة، حيث افتتحتا عربية فول لتقديم السحور في منطقة إمبابة بالجيزة.
شيماء وعبير أصحاب عربية فول في إمبابة
وتواصل القاهرة 24، مع شيماء وعبير أصحاب مشروع عربية الفول في منطقة إمبابة بالجيزة، حيث بدأت شيماء رفقة صديقتها عبير في افتتاح المشروع مع بداية شهر رمضان.
وعن فكرة مشروع عربية الفول قالت شيماء: احنا عاملين المشروع من بدايات رمضان، وقررنا نعمل عربية سحور بناتي، وده لأننا اللي اشترينا العربية والمعدات اللي بنشتغل بيها، واحنا اللي بنهجز الأكل، واحنا كنا نفسنا نعمل العربية من زمان جدًا، وكنا عاوزين نعمل الفول بأطعمة مختلفة.
وقالت عبير: أنا خريجة علوم سياسية وشيماء خريجة فلسفة، وفكرة المشروع جت من إننا نفسنا يكون لينا مشروعنا الخاص، عشان نكتسب مهارات جديدة تساعدنا في حياتنا.
وأردفت قائلة: بدأنا مشروع عربية الفول في 3 يوم رمضان، وعشان كنا مترددين، والناس في البداية كانوا مستغربين من أننا وقفين على عربية فول، وبعد كده بدأوا يشجعونا ويدعمونا.
وأشارت شيماء إلى أن أسرتها في البداية كان لديها بعض التخوف من كونها أنثى وتبيع الفول في الشارع قائلة: والدي كان مستغرب من الفكرة في البداية لكن بعد كده شجعني، ووالدتني دعمتني وساعدتني.
عبير: مفيش شغل عيب أو حرام
واختتمت عبير بتوجيه نصيحة لأي فتاة ترغب في أن يكون له مشروعها الخاص قائلة: مفيش شغل عيب أو حرام، وأي حاجة نفسك فيها اعمليها ما تتردديش.
