مشاكل الارتباط حواليا أثرت عليّا وبعدت عن السوشيال عشان فيها كسر خواطر.. أبرز تصريحات أحمد عيد
حل الفنان أحمد عيد ضيف أحد البرامج الإذاعية على راديو إنرجي 92.1، متحدثًا عن أسباب اختفائه ورأيه في مواقع التواصل الاجتماعي وكواليس عدد من أعماله.
أبرز تصريحات أحمد عيد
وجاءت أبرز تصريحات أحمد عيد كالتالي:
- كوني من أصول ريفية قابلت شخصيات لها أبعاد مختلفة شكلًا وسلوكًا فأستلهمتهم في أعمالي زي أزمة سكر.
- السفر أسعد لحظات حياتي ودايمًا بسيب وصيتي قبلها وطلبت لو اتوفيت في الحرم أدفن هناك.
- تركت كلية زراعة وقدمت في المعهد لوحدي.. بس تأثير أهلي كان في حياتي الخاصة وشخصيتي.. هما بيت مهتم بالدين والتربية والمبادئ.
- مشاكل الارتباط والطلاق الكتير من ناس حواليّا ومن معارفي والمعارك اللي بسمع عنها أثرت عليّا جدًا.
- كان في مدرس بجتهد في المادة عشانه لأنه يعرف أهلي كنت بعمل حسابه جدًا.
- فيه أمور تبان بسيطة بس بعدت عنها زي تجسيد شخصية امرأة رغم إن فنانين عظام قدموها.. دي كانت نصيحة من حد في عيلتي وأثرت فيّا.
- التاريخ العربي والإسلامي مليان شخصيات غنية.. وعن نفسي قطز أثر فيّا بستعمله كاسم مستعار وبحاول أبحث في قصة مقتله.
- كل ما بنكبر نظرتنا للأمور بتتغير وتبهت عشان كده مبحبش النوستالجي.. وبشوف صوري زمان بتحسسني بشجن مؤلم.
- أتمنى فني حتى لو دور صغير يسيب أثر إن عندي قيمة مش فنان سلعة.. إحنا محتاجين كل واحد في مجاله ينشر الوعي ويعلم الجيل الجاي.
- السوشيال ميديا فيها كسر خواطر كتير.. ده خلاني مش عايز أبقى موجود وبحب أكون خفيف حتى رغم تقديري للترحاب بيا وقت ظهوري في مهرجان البحر الأحمر.
