وهب علمه للفقراء.. طبيب الغلابة بالدقهلية: الكشف بـ 10 جنيه ومش محتاج حاجة غير دعوات الناس
عندما تصل مدينة شربين في محافظة الدقهلية ترى لافتة صغيرة، مدون عليها اسم طبيب، ولكن أضواء الشمس والأتربة أكلت اللافتة التي تحطم معظمها وأصبحت تشير فقط إلى أنها عيادة الدكتور ياسر ضيف.
وهب علمه وعمله للفقراء
ووهب الدكتور ياسر ضيف، أو كما يطلق عليه أهالي منطقته طبيب الغلابة، عمله وعلمه للفقراء وأصبح كشفه بـ 10 جنيهات فقط ويوفر العلاج للمحتاجين أيضًا.
التقى القاهرة 24 الدكتور ياسر ضيف، والذي قال: أنا تخرجت عام 1980 من كلية الطب جامعة المنصورة وتخصصت في جراحة العظام، وفتحت عيادتي الخاصة وكان الكشف بـ 5 جنيهات فقط، وبدأت الناس تتردد على العيادة وكان منهم "حالات كتير غلابة" وأنا في بداية شغلي كان ليس هدفي مادي ولكن كان نفسي أخدم الناس، واستمر كشفي بـ 5 جنيهات على مدار 20 سنة وفي عام 2021 أصبح الكشف بـ 10 جنيهات.
وأضاف: في حالات كتير من مراكز وقرى مش بتكون مصدقة ثمن الكشف وبيدفعوا بزيادة وفي حالات حالتهم المادية بتكون صعبة وبياخدوا العلاج من عندي وفي أطباء كتير بيعملوا خير كتير.
وتابع: العيادة يوميًا بتكون فيها زحمة شديدة ومش عندي حجز بالتليفون بالحضور، وأنا مش بعمل حاجة ده ربنا هو اللي رزقني بالنعمة وأنا تجارتي مع الله وهدفي إن الناس تخرج من العيادة تدعيلي.
وختم: أنا الحمد الله مستور وعندي ولد وبنت وعندي عربيتي ومش بطلب حاجة غير الستر وإن ربنا يديم علينا الصحة.
