السيسي: من 2011 زدنا حوالي 25 مليون.. واللي قبل مننا معملوش اللي عملناه عشان كان مطلوب فلوس كتير
قال الرئيس عبد الفتاح السيسي إنه لم يكن هناك حلا في ترك الوضع كما هو عليه عام 2011 دون تغييره.
وأضاف السيسي، خلال إدراته لحوار مفتوح مع المواطنين بالأسمرات: مكنش فيه حل تاني إننا نسيب الوضع في عام 2011 من غير ما نغيره، من 2011 زدنا حوالي 25 مليون والدولة لازم تتحرك بمعدلات نموها، الدولة كانت لازم تتحرك من أجل تعويض العجز في مرافقها، وفيه حياة كريمة.
السيسي: من 2011 زدنا حوالي 25 مليون
وتابع: إحنا عاوزين نحسن من حياة 60 مليون إنسان، أنتم عارفين يعني إيه أسرة عايشة من غير صرف صحي غير آدمي، إحنا هنا مش بنتكلم عن أسرة بل عن ملايين، وفي نفس الأمر في الكهرباء والمياه.
وأكد الرئيس السيسي، أن البعض بيقول إن الفلوس اللي بنصرفها كتير، واللي قبل مننا معملوش عشان الفلوس كانت كتير، وفضلت الناس تقاسي، وعمر المجتمع اللي يرضى إن ناسه تقاسي وميجريش عليهم ويحاول يساعدهم، مش كلام كتير، لكن حقيقة ربنا بيساعد اللي بيساعد.
وكان أدار الرئيس عبد الفتاح السيسي حوارًا مفتوحًا مع المواطنين بالأسمرات، وذلك على هامش حفل إفطار الأسرة المصرية بحي الأسمرات.
ووصل الرئيس السيسي في وقت سابق، إلى حي الأسمرات للمشاركة في حفل إفطار الأسرة المصرية، الذي يقام اليوم بمنطقة حي الأسمرات في محافظة القاهرة.
ويشهد إفطار الأسرة المصرية مشاركة عدد كبير من الشخصيات العامة والمسئولين والوزراء، إلى جانب رؤساء الأحزاب السياسية وأعضاء مجلسي النواب والشيوخ، وكذلك مواطنين من منطقة الأسمرات.
