محمد شاهين: فخور إني جزء من مسلسل الهرشة السابعة.. وأكرر التعاون مع أمينة خليل بفيلم جديد
أعرب الفنان محمد شاهين، عن سعادته البالغة بردود فعل الجمهور على مسلسل الهرشة السابعة، والذي شارك في النصف الأول من الموسم الرمضاني الجاري.
وقال محمد شاهين، عن النهاية المفتوحة لمسلسل الهرشة السابعة، في لقائه مع برنامج ET بالعربي: مينفعش نتوقع أي حاجة لأن في ناس هتكون مع وضد آدم ونادين ودي طباع البشر، وردود الفعل تفرح جدًا تخلي الواحد مبسوط وفخور أنه عمل حاجة عظيمة زي الهرشة السابعة أنا مبسوط إني جزء من المسلسل ده.
وتابع محمد شاهين: الشخصية كلها تحدي وأن أنا أعمل شخصية زي آدم كان لازم أطلعه حقيقي والناس تصدقه بجد، ميبقاش في لحظة حاسين أن شاهين بيمثل.
وأضاف: مكنتش أعرف أن في حاجة اسمها الهرشة السابعة، ولكن لما بصيت حواليا لقيت أن فعلًا في ناس بيحصلها كده، والإنسان طباعه بتتغير كل 3 سنين وبياخد خبرات من الحياة.
وعن العلاقة بين شخصية آدم التي يجسدها محمد شاهين خلال أحداث مسلسل الهرشة السابعة، ونادين التي تجسدها الفنانة أمينة خليل، فعلق قائلًا: عِشرة 22 سنة وهما مشافوش حد تاني ولا دخلوا في علاقات تانية، ولكن التراكمات هي اللي عملت كده، هما بيحبوا بعض وطبعًا لازم يرجعوا.
أعمال محمد شاهين وأمينة خليل
كما كشف الفنان محمد شاهين عن تعاونه مرة أخرى مع الفنانة أمينة خليل، وذلك من خلال فيلم وش في وش، موضحًا: كان عندنا فيلم قبل رمضان اشتغلناه وإن شاء الله هنكمله بعد العيد، اسمه وش في وش، ومن إخراج وليد الحلفاوي، وإخراج ناس كتير عظيمة زي محمد ممدوح وأحمد خالد صالح وأسماء جلال وبيومي فؤاد.
