تعلمت من زوجي حسن الاستماع وتعرض أولادي لحادث غيّر حياتي.. أبرز تصريحات إنجي المقدم
حلت الفنانة إنجي المقدم ضيفة المذيعة إيناس الشواف في برنامج طريق تالت، عبر راديو إنرجي 92.1، متحدثة عن رأيها في العديد من الموضوعات، وعلاقتها بأبنائها وعائلتها، بالإضافة إلى كواليس عدد من أعمالها.
أبرز تصريحات إنجي المقدم
- بابا كان كريم وبار بالكل.. واتعلمت من جدتي إرادتها ومن أمي الإنصات والذوق والأصول ومن جوزي حسن الاستماع والنصح بأمانة.
- على مدار حياتي بتفرج على كل حاجة حواليا وأتعلم منها سواء تصرفات ألهمتني للأحسن أو بالعكس تصرفات خلتني محبش أكون كده.
- شخصيات درامية كتير أثرت فينا كنت بحب المناكفة بين شخصيات ليالي الحلمية.
- كان عندي أصدقاء بحبهم على المستوى الإنساني معايا بس طريقتهم في التعامل مع الآخرين خلتني أنزعج ومحبتش أبقى بالقسوة والخصومة اللي شوفتها.
- السوشيال ميديا أفادتني بأفكار في مجالات جديدة.. زمان كنت بحس إن عندي واجب معاها مع إن لو متواجدتش عليها هفضل عايشة عادي وخدت وقت عشان أظبط ده.
- ولادي علموني الصبر وقوة التحمل وتقدير نعمة القعدة معاهم.
- من كام سنة ولادي عملوا حادثة في باص المدرسة ودي كانت صدمة وقلم على وشي لحد دلوقتي حاسه بيها.. وده عمل تغيير لحياتي وإعادة هيكلة لأولوياتي.
- طول الوقت بحس إن بيجيلي رسايل من جملة في التليفزيون أو آية قرآنية والأرقام بتهمني جدًا وبدخل أشوف معناها إيه.
