إيمان العاصي: مستحيل أكون زوجة ثانية لأني غيورة جدًا
عبّرت الفنانة إيمان العاصي عن رأيها في الزواج الثاني، وإمكانية تقبلها أن تكون زوجة ثانية، مثل دورها دلال في مسلسل جعفر العمدة مع الفنان محمد رمضان.
وقالت إيمان العاصي خلال مداخلتها في برنامج تفاعلكم على شاشة قناة العربية: في الحقيقة مقدرش اتجوز راجل متجوز لأني ست غيورة جدًا جدًا، ومقتنعة إن ده حلال ربنا ولكن لا يكلف الله نفسًا إلا وسعها.
وأضافت: وأكيد اتعرض عليّا حاجات كتير شبه كده، ولكن مستحيل أقبل أكون زوجة ثانية، مقدرش، ومش هعيش سعيدة هعيش تعيسة وهتعسه معايا.
أما عن رأي ابنتها في مسلسل جعفر العمدة، أردفت إيمان العاصي بـ: ريتا بنتي مش عادتها تعلق على أي حاجة بنعملها، أو تتابع حاجة طويلة أوي كده لأن الجيل ده بيزهق بسرعة، وتقولي بجد يا مامي إنتي عملتي كده؟، إنتي بجد خطفتي ابنه؟، إنتي شريرة أوي كده؟، هي مصدومة وبتحاول تخرج من فكرة إن أنا مامتها، وإن ده تمثيل، ومش عارفه تخرج من ده، وتقولي يا مامي إنتي فضحتيني في المدرسة والله العظيم.
إيمان العاصي في رمضان 2023
وتنافس إيمان العاصي في موسم دراما رمضان 2023 بمسلسل جعفر العمدة مع الفنان محمد رمضان، وتلعب دور دلال وهي زوجة محمد رمضان الثاني، ونكتشف في الحلقات الماضية أنها كانت سببًا في وجع زوجها حيث دبرت لاختطاف نجله من المشفى فور ولادته قبل 19 عامًا.
