أحمد سعد: من تجربة 4 مرات زواج قمة النضج إنك تختار زوجة بتهتم بنفسها وبتحب نفسها
وجّه الفنان أحمد سعد نصيحة للشباب لاخيتار زوجاتهم المستقبلية، كما تحدث الفنان أحمد سعد عن سر تسمية ابنته عليا، وهو اسم زوجته، مؤكدًا أنه وافق على تسميتها بهذا الاسم إرضاءا لزوجته.
احمد سعد يتحدث عن اختيار الزوجة
وقال أحمد سعد خلال لقاء له: من خلال تجربة زواجي 4 مرات، شايف إن قمة النضج إنك تختار زوجة بتهتم بنفسها مش بتهتم بيك أكتر شيء وبتحب نفسها أوي علشان لما تحب نفسها أكتر حاجة تقدر تحبك، مش تقول إنها بتحبني أكتر حد في الدنيا لأ تكون بتحب نفسها وتهتم بنفسها، ويكون عندها كيان وبتحب كيانها لأنها لو بتحب كيانها هتقدر تحب كيانك ولو فاقدة أي شيء في حبها لنفسها مش هتحبك أكتر حاجة.
وعن سر تسمية ابنته على اسم زوجته، فقال أحمد سعد: سميت بنتي على اسم مراتي لأن كان نفسها تسميها باسمها ووافقت منعًا للمشاكل في البيت.
وأردف أحمد سعد متحدثًا عن أغنيته عليكي عيون وكيف يستخدمها في حل الخلافات بينه وبين زوجته، قائلًا: مراتي اتبسطت من أغنية عليكي عيون وأنا سمعتها ليها وإحنا مش بنكلم بعض، وبسبب الأغنية كلمنا بعض وعرفت أنها مؤشر حلو جدًا لأن اللي بيطلع من القلب واللي بيكون حقيقي بيوصل للناس كل ما نتخانق مع بعض ببعت لها الأغنية دي.
آخر أعمال أحمد سعد
ومن جهة أخرى، كانت آخر أعمال الفنان أحمد سعد هي مشاركته في غناء تتر مسلسل جعفر العمدة بطولة الفنان محمد رمضان، كما قدم العديد من الأغاني خلال المسلسل.
