لحظة سقوط شيرين عبد الوهاب: رجلي ازرقت.. وهرفع قضية | فيديو
قالت الفنانة شيرين عبد الوهاب بعد سقوطها على المسرح خلال إحياء حفل جماهيري على خشبة مسرح كوكاكولا أرينا بدبي، إنها سترفع قضية على منظم الحفل، بعدما سقطت على الأرض، وأردفت بأن ما حدث لها غير مقبول سواء لها أو لأي فنان.
سقوط شيرين عبد الوهاب
وتعثرت الفنانة شيرين عبد الوهاب، خلال تأديتها إحدى أغانيها وسقطت بسبب السماعات الموجودة على خشبة المسرح، وقالت شيرين عبد الوهاب بعد سقوطها: بصوا رجلي ازرقت إزاي، هرفع قضية، إكتب كده هرفع قضية، لإن اللي بيحصل مع الفنان ده قلة ذوق والله العظيم حرام، شوف اللي صار مع عبد الله.
واستكملت الفنانة شيرين عبد الوهاب: بعدين ليا تصرف تاني، شيرين رجعت تاني، هطلب تعويض كبير، يالا خلينا نأمن مستقبل العيال.
حفلة شيرين عبد الوهاب في دبي
وانفعلت شيرين عبد الوهاب أيضًا على منظمي حفلها بدبي، إذ قالت: شوفوا والله.. بجد شوفوا كل فنان حصل معاه موقف زي ده بسبب السماعات ديه، المفروض تتدفن في المسرح عشان المطرب ميقعش.. ولكن للأسف المنظمين عمرهم ما بيتعلموا.
وأردفت شيرين عبد الوهاب: لكن عادي ما يقع إلا الشاطر، بجد حاجة صعبة.. ودلوقتي بكرة على السوشيال ميديا هيسيبوا كل حاجة وشوفوا شيرين وقعت، أنا المفروض دلوقتي لو أنا مأمنة على رجلي أخد منكوا قد إيه من المنظمين، بس يلا معلش، شوفوا اللي بيحصلنا
حفل شيرين عبد الوهاب بدبي
وقدمت الفنانة شيرين عبد الوهاب مجموعة كبيرة من أبرز أغانيها في الحفل ومنها أغنية أة يا ليل، أجدد أغانيها المترو، أغنية بتونس بيك لوردة، وحرصت الفنانة شيرين عبد الوهاب على تقديم رسالة شكر لجمهورها على دعمهم الكبير لها في الفترة الأخيرة، حيث قالت: مديونة ليكم بكلمتين لازم أقولهم، قد إيه حبكوا وصل لي وسؤالكم، وإنتوا رجعتوني تاني للدنيا، أنا ممتنة جدًا ليكم.
