السيسي: مستعدون لمساندة الشركات من أجل زيادة المكوّن المحلي في منتجاتها
قال الرئيس عبد الفتاح السيسي، إن الدولة مستعدة لمساندة الشركات في زيادة المنتج المحلي في المنتجات المصرية.
مساندة الشركات في زيادة المنتج المحلي
ووجه الرئيس عبد الفتاح السيسي خلال احتفالية عيد العمال بالشرقية، حديثه لصاحب شركة فيوتك لصناعة لمبات الليد قائلا: أنا هدعمك ومستعد أساندك وتخلي المنتج المحلى يزيد عن النسبة اللي ذكرتها وهي 50 أو 60%، وأتمنى أن نصل إلى 90% أو 100%، لأن ده معناه ببساطة ولو إحنا قدرنا نوصل لمكوّن محلي كامل وشبه كامل للمنتج هيبقى مفيش أعباء علينا وهيشغل ناس وهيشيل عننا أعباء من الدولار.
وأضاف السيسي: المفروض عاملين تخفيف لاستخدام الإضاءة في الشوارع، ولكن في الشوارع الجديدة يبقى واخدين قرار بالتعاقد مع فيوتك، ناخد هذه الكشافات لصالح المشروعات الجديدة ويبقى عندنا خطة كدولة لإحلال الإضاءة العادية بالكشافات الجديدة.
وأكمل الرئيس: ارفع نسبة المكوّن المحلي ومستعد ندخل معاك وبهنيك على المصنع وأتمنى لك التوفيق وأشكركم على التبرع ومزيد من العمل وخلي بالك من صحتهم والرياضة بتاعتهم.
ويشهد الرئيس السيسي احتفالية عيد العمال بشركة الشرقية للسكر، وسيكرم الرئيس السيسي العمال خلال الاحتفال بعيدهم.
