هقول لمين بابا بعدك؟.. رسالة مؤثرة من نجل السائق المتوفى في حادث أتوبيس الوادي الجديد
شهدت محافظة الوادي الجديد مساء يوم الأربعاء الماضي، حادث تصادم بين أتوبيس نقل ركاب وشاحنة نقل تقيل، على طريق الخارجة أسيوط بالقرب من منطقة النقب، مما أسفر عن مصرع 17 شخصا وإصابة 29 آخرين.
وكان من بين المتوفين سائق الأتوبيس، والذي لقى مصرعه على الفور، عند حدوث حادث التصادم بين الأتوبيس والتريلا، مما أصاب أسرته بالحزن الشديد على وفاته، ونعاه نجله بكلمات مؤثرة على صفحته الشخصية على موقع التواصل الاجتماعي فيسبوك.
نجل سائق الأتوبيس المتوفى في حادث الوادي الجديد: هقول لمين بابا بعدك؟
وجاء نص نعي نجله كالآتي: أنا مش مصدق يا بابا إني خلاص مش هشوفك تاني واسمع صوتك تاني، وإني مش هرن عليك كل شوية وأقولك أنت فين يا حب.. ولا أقولك اتأخرت ليه يا حب، مش هتقولي أنا بحبك يا مازن وأنا أقولك أنا بموت فيك يا بابا، مين اللي هقوله هاتلي معاك حاجات حلوة يقولي حاضر يا بابا، مين هيخرجني تاني يا بابا ويفسحني ونسمع الماتش مع بعض، هقول لمين يا بابا تاني من بعدك وتقولي خلي بالك من ماما أنت رجل البيت، هشتكي لمين لما حد يزعلني وتجبلي حقي.
وأثارت رسالة نجل السائق المتوفي حالة من التعاطف الشديد والحزن بين المواطنين على موقع التواصل الاجتماعي فيسبوك، داعين الله أن يتغمد السائق بالرحمة والمغفرة والعتق من النار، وأن يلهم نجله وأهله وذويه الصبر والسلوان.
