أستاذ بالأزهر: لو كتبت رقم تليفونك على ورقة مملوكة للشركة هتتحاسب عليها يوم القيامة
قال الدكتور ربيع الغفير، الأستاذ بكلية الدراسات الإسلامية والعربية بجامعة الأزهر، إنه لا يجوز أبدا استعمال ممتلكات العمل فى المصالح الشخصية، مضيفا: لو كتبت رقم تليفون خاص بك على ورقة مملوكة للشركة، لو عملت تليفونات من الشركة اللى بتشتغل بها هتتحاسب عليها يوم القيامة.
أستاذ بالأزهر: هذه التصرفات البسيطة تجعلك تأكل من حرام
وتابع الأستاذ بكلية الدراسات الإسلامية والعربية، تصريحات تلفزيونية، اليوم الأحد: المؤسسة أو الشركة لها ممتلكات، غير مسوح لي استخدمها فى أمورى الشخصية، حتى لو شخص شغال معاك فى الشركة وأنت رئيسه وأخدته شغلته معاك فى حاجة تانى.
وتابع الدكتور ربيع الغفير: لازم تقف وتحاسب نفسك لأن ده واقع مر حذرنا منه سيدنا النبي من 1400 سنة، أوعى تمشى بعدوى الفساد وتقول كل الناس بتعمل كده وتعمل حاجة تفكرها صغيرة لأن لو 100 مليون عملوا كده هتبقى كارثة كبرى، مستشهدا بالحديث النبوي الشريف، حيث قال صلى الله عليه وسلم: " ليأتين على الناس زمان، لا يبالي المرء بما أخذ المال، أمن حلال أم من حرام".
