ظهور طرف جديد.. ميار الببلاوي تكشف سبب تغيير تصريحاتها بشأن براءة وفاء مكي
كشفت الفنانة ميار الببلاوي، سبب تراجعها عن تصريحاتها التي أشارت فيها لبراءة الفنانة وفاء مكي في قضية تعذيب الخادمتين، مؤكدة أن الأخيرة كاذبة، وظهور طرف جديد في القصة.
وكشفت ميار الببلاوي، في تصريح خاص لـ القاهرة 24، سبب تراجعها عن تصريحاتها، مشيرة إلى أنه ظهر طرف جديد في القصة، وقالت: حفيدة الست اللي جابتلي الخادمتين قالتلي إن جدتها كذابة، لأن الست قالتلي إنها جيبالي البنتين من عند وفاء، بس الحقيقة طلعت إنها جيباهم من الإجازة مش من عند وفاء، فهما مش محروقين عشان جايين من بيتهم كده كده، فـ ميش دليل لبرائة وفاء.
وتابعت ميار الببلاوي، قائلة: وفاء كذابة ومش بريئة ولا مظلومة، وأنا مغيرتش أقوالي عشان ضغط الناس زي ما بيتقال، الفكرة كلها إني كنت فاهمة حاجة وطلعت غلط، وهي فعلا عملت الواقعة وعذبت البنتين.
ميار الببلاوي تتراجع عن تصريحاتها
وكانت كتبت ميار الببلاوي منشورًا، عبر حسابها الشخصي بموقع التواصل الاجتماعي فيس بوك، تتراجع فيه عن تصريحاتها، مهاجمةً وفاء مكي، وقالت فيه: اللهم لك الحمد ربنا ظهر الحقيقة من شاهد عيان، وكده أنا كنت بأنب ضميري على الفاضي، سؤال إيه اللى بتعمليه ده يا وفاء، أنا قلت إن في موقف حصل لكن كده أتحسمت كفاية بقى، ملقتيش حد تدوسى عليه غيري وتمثلي البراءة، أوعلشان أنا مش بتاجر بالموضوع ورافضة أتهم بأني بجري ورا ترند، وأفضل ألف معاكم على القنوات والمواقع بالشكل المستفز ده.
وأضافت ميار الببلاوي: أنا قلت شكوكي وموقف حصل، الحمد لله إنه كان ولا هيقدم ولا يأخر، سؤال فين دليل براءتك دا؟، أنا قلت للناس إنه حصل كذا فقط، واللي حصل دا ملوش أي قيمة خالص بعد شهادة الشاهد ده، وبعد مقريت التحقيقات والتقارير قد إيه أنا كنت هبلة.
