أمين الفتوى بدار الإفتاء: لو بعد الدين عن العلم والتكنولوجيا هلك الإنسان
قال الشيخ عويضة عثمان، أمين الفتوى بدار الإفتاء المصرية، إنه لو بعد الدين عن العلم والتكنولوجيا لهلك الإنسان ودمر نفسه، لافتا إلى أن هناك اختراعات تكنولوجية كثيرة، لخدمة الإنسان وبقائه لكن تم استخدامها في التدمير.
وتابع أمين الفتوى بدار الإفتاء المصرية، خلال تصريحات تليفزيونية: الإنسان المتدين لما يتقدم يفلح، ليه؟ لأن تقدمه العلمي يؤيده بالأخلاق الدينية، والعادات والتقاليد الطيبة، إحنا ممكن نستخدم كل شيء في الخير، لكن الإنسان بطمعه وبتسرعه في التربح وعدم تدينه وتركه لثوابت دينه، يترك نفسه لمرحلة الابتذال، ومفيش حضارة أبدا تقوم على المادة فقط ممكن واحد يموت ويسيب لأبنه فلوس ولا يترك له أخلاقا هما شهرين تلاقيه ضيع كل الفلوس دي، في إفساد حاله وإفساد غيره ويعود فقيرا.
واستكمل: الإنسان كلما كان مطرفا دون دين أصبح فاجرا، شوفوا التكنولوجيا والتقدم، مش عارفين نستخدمها بشكل ديني أخلاقي، أصبحنا نجري وراء التربح من السوشيال ميديا عن طريق الفضائح والابتذال على حساب القيم والأخلاق والعادات الطيبة، وطبعا ده بعض مش تعميم.. التكنولوجيا ليس ضرر غيرك بنشر عري أو خلافه، وإنما نشر كل ما هو مفيد.
