أمين الفتوى: يجوز اشتراك اثنين في سُبع الأضحية.. وقول يا رب مش قادرين أكتر من كده
قال الشيخ عويضة عثمان، أمين الفتوى بدار الإفتاء المصرية: إنه يجوز اشتراك أكثر من فردين في الأضحية لو كانت خروفا، لافتا إلى أن سعر الخروف هذا العام وصل إلى مبلغ كبير؛ فالبعض ممن كانوا يضحون الأعوام الماضية لن يستطيعوا هذا العام، وبالتالي يمكن أن يشاركوا في الأضاحي ولا مانع من هذا.
أمين الفتوى: يجوز اشتراك اثنين في سبع الأضحية
وتابع أمين الفتوى بدار الإفتاء المصرية، خلال تصريحات تليفزيونية، اليوم الخميس: السنة اللي فاتت كان واحد يقدر يشتري خروف كان سعره 3000 جنيه لكن هذا العام الأمر صعب، عادي يشترى مع اتنين تاني مفيش مشكلة، لا تحرموا أنفكسم من الأضحية، وممكن اثنين يشاركوا في سُبع عجل، وتكون نيتهم خالصة ويقولوا يا رب مش قادرين أكتر من كده، اقبل أضحيتنا.
وعلى جانب آخر، أجاب الشيخ عويضة عثمان، أمين الفتوى بدار الإفتاء المصرية، عن سؤال سيدة تدعى فوقية، مفاده أن لديها أموالا ومتعلقات تتم سرقتها دون معرفة من قام بهذا، فهل الجن يسرق الأموال؟ كثيرون أكدوا هذا فما الحقيقة؟.
وقال أمين الفتوى بدار الإفتاء المصرية، خلال تصريحات تليفزيونية، اليوم الخميس: معرفش الجن بيسرق ولا لأ، مشفتوش، بس خدي بالك الإنس أشد خطورة من الجن، إحنا مجرد ما نذكر الله أو الأذان وآية الكرسي، وسورة البقرة وآل عمران، بتخلي الجن يفر ويهرب، وتخلي البيت عامر بالخير، لكن إحنا نرمي اتهامتنا على عالم غيبي والله أعلم بها، منعرفش أخلاقه إيه وبيسرق ولا لأ، شوفي حد من الناس اللى حواليكي جايز يكون أخلاقه ليست مضبوطة.
