منة فضالي: إيمان العاصي الوحيدة اللي مختلفة عننا.. ومحمد رمضان مش تنك ولا مغرور
أعربت الفنانة منة فضالي عن سعادتها الشديدة بالتعاون مع الفنان محمد رمضان في مسلسل جعفر العمدة، الذي تم عرضه في الموسم الرمضاني 2023.
وتحدثت الفنانة منة فضالي عن التعاون مع الفنانة إيمان العاصي في مسلسل جعفر العمدة، وذلك خلال تصريحات تلفزيونية، حيث قالت: الوحيدة اللي مختلفة عننا إيمان لأن عمرها ما عملت شعبي، وعمرها أبدًا ما عملت الست الحرباية وده بالنسبة لها جديد، وكان في منافسة بين دلال وإيمان العاصي، ومحمد سامي راهن عليها، وسيد لازم ياخد أوسكار.
وعن التعاون مع الفنان محمد رمضان، قالت الفنانة منة فضالي: محمد رمضان متعاون جدًا مع كل طاقم العمل، وبيحب كل الناس، وبيساعد وجميل ودمه خفيف في التصوير، وتحب تتكلمي معاه ومتحدث حلو جدًا، وقاري بشكل كبير، وأنا كنت بصور مع حد محترف زيادة عن اللزوم، والناس فاكره إنه تنك ومغرور بس هو مش كده خالص، وساعات بيكون طالع يغني في الحفلة، وبيذاكر السكريبت وممكن يجي حد يقوله أتصور يقوله مش فاضي عادي، ياخده على إن هو مغرور.
منة فضالي: تفاجئنا بتتر مسلسل جعفر العمدة
واختتمت منة فضالي حديثها عن وضع اسم أحمد داش قبل اسمها بتتر مسلسل جعفر العمدة، قائلة: تفاجئنا بالتتر، بس خلاص عدى، ومأهنتش حد خالص، ومجبتش سيرة أحمد داش، وهو ممثل هايل وشاطر، وكنت متخيلة إن إحنا الأربعة البنات مع بعض، تفاجأنا، مش الموضوع تتر، والتترات بتتشال في تالت يوم في رمضان، الموضوع عن الدور.
