محمود عبد المغني: كنت بسيب المدرسة عشان أشتغل.. ومكنتش عارف أقرأ لغاية سنة سادسة
تحدث الفنان محمود عبد المغني عن طفولته وسبب تركه للمدرسة بعد وفاة والده في سن صغير، مؤكدًا أنه عانى بسبب هذه الخطوة التي أقدم عليها لمساعدة والدته على إعالة أشقائه.
وقال محمود عبد المغني في تصريحات تليفزيونية: أنا كنت بسيب المدرسة عشان أشتغل لأني وأنا صغير كان عندي إحساس بالمسئولية بعد موت والدي الله يرحمه وعايز أساعد أمي وعامل فيها مسئول وأنا كنت في ابتدائي، فكان إحساسي إن أنا عايز أساعد، وأمي ماكنتش عايزه كده، هي زعلت إن أنا بزوغ عشان أشتغل ومعجبهاش خالص، وكمان ده أثر عليا في تعليمي وقعدت مش عارف أقرأ لغاية سنة السادسة.
وعن علاقته بوالدته: والدتي كانت ست صعيدية من قنا وأتعلمت منها إزاي أتعامل مع ولادي، لأن هي عملت مني الحمد لله شخص الناس بتحبه شخص محترم اللي أمي عملته أنا عملته مع ولادي، حب الأسرة والانتماء لبعضينا والأكل وضحكنا وخروجنا وأسرارنا مع بعض، فأمي كانت مدرسة كبيرة الله يرحمها.
محمود عبد المغني: أنا ومراتي اتعرفنا على بعض واتجوزنا في 20 يوم
كما كشف محمود عبد المغني، تفاصيل تعرفه على زوجته، قائلًا: أنا ومراتي اتعرفنا على بعض واتجوزنا في 20 يوم، ومش تهور ده تحور ده كان إحساس جميل حسيته والدنيا مشيت.. أنا خطبت 3 سنين وحبيت 7 سنين قبل كده فخلاص إيه المشكلة إن أنا بقى اتجوز في حوالي 20 يوم ربنا أراد، كان فيه راحة نفسية، حب، فيه حاجة كده حصلت من عند ربنا.
