علي جمعة: عذاب القبر موجود لكنه ليس كما في خيال الناس.. ومفيش ثعبان أقرع
أوضح الدكتور على جمعة، عضو هيئة كبار العلماء بالأزهر الشريف، مفتي الجمهورية السابق، حقيقة ما يتم تداوله عن عذاب القبر والثعبان الأقرع وضمة القبر.
علي جمعة: عذاب القبر موجود لكنه ليس كما في خيال الناس.. ومفيش ثعبان أقرع
وقال علي جمعة، خلال برنامج من مصر المذاع على فضائية سي بي سي: ثعبان أقرع مفيش، مضيفا: اللي حاصل إن الزمن عند الله مختلف، يعني المائة سنة عندنا يساوي ثلاث دقائق عن الله، والساعة عند ربنا بألفين سنة، وسيدنا المسيح رفع من ألفين سنة يعني من ساعة، ومثلا أبويا ميت بقاله 30 سنة أي لم يكمل دقيقة واحدة.
وأوضح علي جمعة: حكاية عذاب القبر أي الروح متضايقة وهذا ليس معناها إنهم بيضربوه بالكرابيج، يعني متوجس والجو مظلم، مؤكدا: عذاب القبر لكنه ليس كما في خيال الناس، فالريحة وحشة والدنيا ضلمة.
وأكمل علي جمعة: فزي الكابوس، وطالما الكابوس بيحصل اللي ننكر عذاب القبر، واللي بينكر عذاب القبر يعمل الخير، وعذاب القبر هو تهديد كي يخاف الناس، وألا يتمادوا في شهواتهم والظلم ووطغيانه ومنع الميراث والكذب والشهادة الزور، مرردفا: اللي مفيش عذاب، إذا كان فيه جهنم، وهي أشد وأنكى، عذاب القبر ليس هو الخيال الشائع عند الناس، مفيش الشجاع أو الثعبان الأقرع وهو اعتقاد باطل.
على جانب آخر، أوضح الدكتور على جمعة، عضو هيئة كبار العلماء بالأزهر الشريف، مفتي الجمهورية السابق، حكم بيع التاجر للبضاعة القديمة بالسعر الجديد.
وقال علي جمعة، خلال برنامج من مصر المذاع على فضائية سي بي سي: هذا حلال، فحلال يبع بالسعر الجديد، لأنه تجاريا مش هينفع يبيع بالسعر القديم لأنه مش بيصفي المحل، ولكن بيأخذ تلك الفلوس ويشتري بضاعة جديدة، مضيفا: البضاعة دي مثلا بعشرة لكن في السوق بقت بعشرين، فلازم يبيع بعشرين ليقوم بشراء بضاعة جديدة التي ستكون بـ18 ويكسب هو 2 جنيه.
وأوضح علي جمعة: فلو باع بعشرة، وجاء ليشتري بـ18 فلن يستطيع وهيتخرب بيته، فيبيع بسعر السوق لأنه هو النجاة لعدم انهيار وإفلاس التاجر، ومفيش حرمة في هذا لأن قيمة الشيء اللي معاه ولا يقوم بتصفيته وأخذ المال ووضعها في الخزنة، وكأنه بيقلب ويدور المال.
