المخرج أحمد عبدالله: أفضّل في أعمالي عدم التسليط على رسالة معينة..واستوحيت فيلم 19 ب من شخصية حقيقة | فيديو
كشف المخرج أحمد عبدالله، مخرج فيلم 19 ب، عن تفاصيل كتابته لـ قصة العمل الذي نال على الكثير من الجوائز، وأكد أنه استوحى قصته من الشارع.
وقال أحمد عبدالله في تصريحات لـ القاهرة 24، إنه يفضل أن الفيلم الذي يقدمه للجمهور يكون به رسالة، وأن فيلم 19 ب مستلهما من الشارع، موضحًا: أنا بفضل أني مطلعش من الفيلم غير برسالة، دي أكتر حاجة بحبها، وهي حدوتة والحدوتة دي فيها اسئلة في عقلي وأنا بكتبها، وأحيانا في حاجات بتوصل للناس وحاجات بتوصل بـ جزء صغير والناس بتكمل الجزء التاني بعقلها.
وأضاف أحمد عبدالله: أنا بحب ده أوي، وبحب أن الناس تيجي تقولي تصورتها الشخصية بحس أن هما بيفكروا في الفيلم ومع شخصيات الفيلم ويقولوا أن ده ليه عمل كدا وكان المفروض يعمل كدا، فـ أنا بحب ده أوي وبحاول ألعب اللعبة دي على قد ما أقدر وأنا بشتغل.
أحمد عبدالله: استلهمت قصة 19 ب من الشارع
وعن فيلم 19 ب، أكد المخرج أحمد عبدالله أنه استلهم قصة العمل أثناء سيره في الشارع، وأن بطل القصة رجل يتحلى بالبساطة، متابعًا: فيلم 19 ب مش مختلف عن كدا، أنا أستلهمت قصة الفيلم من الشارع، والفيلم بيحكي عن رجل بسيط جدا، والراجل ده رغم أنه بسيط ومحتاج مساعدة بس كان بينزل يأكل القطط والكلاب بشكل يومي.
وأضاف مخرج فيلم 19 ب، الراجل ده كان رافض أننا ندخل في حياته أو نعرف عنه أي حاجة وكان حياته خاصه بيه وبنفسه، وإلى حد ما علاقتي بالشخص ده هي اللي خلتني أكتب القصة وأيه اللي بيحصل فيها وأستلهم حقيقته وأكتب قصة متخيلة وأنتهى الموضوع أن القصة دي مرتبطة بيا أو بناس أعرفها.
وأختتم أحمد عبدالله، قائلًا: أنا معرفش حاجة عن حياة الراجل ده، ومعرفش ازاي قادر يعيش في المدينة دي وبدأت أفكر أن ازاي الراجل ده عايش، وبيتعمل ازاي مع عائلته ومع المدينة المتغيرة دي، وعليه بدأت أكتب قصة فيلم 19 ب.
