بسلاح أبيض.. المشدد 7 سنوات لسوداني اعتدى على محامٍ داخل محل ملابس في العجوزة
قضت محكمة جنايات الجيزة حضوريًا بمعاقبة سوداني الجنسية محمدين عوض بالسجن المشدد لمدة 7 سنوات، ومصادرة السلاح المضبوط لقيامه بتمزيق محامي صاحب محل ملابس ومحاولته سرقته بالإكراه في منطقة أرض اللواء بالعجوزة شمالي الجيزة.
سوداني يمزق محاميا داخل محل ملابس
صدر الحكم برئاسة المستشار حسن السيد، وعضوية المستشارين خالد عمار، والمستشار ياسر جلال.
وأحالت النيابة العامة المتهم إلى محكمة الجنايات بتهمة الاعتداء على محامٍ صاحب محل ملابس في شهر سبتمبر الماضي، بغرض سرقته بالإكراه.
وقال المجني عليه الحسيني صابر، محامٍ حر، إنه شريك في محل ملابس وذهب لمباشرة عمله: روحت المحل لقيت اللي شغال معايا بيقولي في واحد عاوز ياخد كمية على بعضها، وأنا بقول للراجل انت عارف تمنهم كام؟ ثمنهم فوق 50 ألف جنيه، قالي انت اللي ليك انك تاخد فلوس وانا بسأله فين هي الفلوس.
وأضاف المجني عليه: لقيته طلع سكينة مرة واحدة وضربني بيها في وشي وحاول يجري بالحاجة اللي خدها، وأنا حاولت مسك فيه عشان ميهربش بالحاجة وراح معورني تاني بالسكينة اللي كانت معاه في رجلي وأنا وقعت على الأرض، وبعد كده يوسف خالد اللي كان واقف معايا في المحل طلع يجري بره المحل ونده على الناس اتلمت ومسكوه وده كل اللي حصل.
