عالم أزهري: زمزم أفضل ماء على وجه الأرض.. ولازم نشرب بطريقة وكيفية معينة
قال الدكتور هاني تمام، أستاذ الفقه بجامعة الأزهر، إن ماء زمزم هو أفضل ماء موجود على الأرض، وكله بركة، فإن شربته للشفاء من مرض يشفيك أو للشبع يشبعك، مستشهدا بالحديث النبوي الشريف، ويروى عن سيدنا النبي محمد صلى الله عليه وسلم، أنه قال: ماء زمزم لما شرب له.
عالم أزهري: زمزم أفضل ماء على وجه الأرض.. ولازم نشرب بطريقة وكيفية معينة
وتابع العالم الأزهري، في تصريحات تلفزيونية، اليوم الأربعاء: لازم نشرب بطريقة معينة، له كيفية معينة ليس مجرد ماء مثل أي ماء، لازم نعرف سواء رجل أو امرأة نشرب إزاى، وده علمه لنا الصحابة الكرام، فأول ما نشرب لازم نتوجه ناحية القبلة ونقول بسم الله، ونشرب على ثلاث مرات، يعنى نتنفس خارج الماء، وبعد ما نخلص شرب نقول: اللهم ارزقنا علما نافعا وشفاءً من كل داء.
واستكمل العالم الأزهري: فى حاجة مهمة جدا فى شرب ماء زمزم وهى التضلع، يعنى أفضل أشرب ماء زمزم لحد ما أحس إن المياه دخلت كل ضلوعى، لازم نشرب قدر الإمكان وهو ما علمنا سيدنا النبي وإن بيننا وبين المنافقين التضلع بماء زمزم، يبقى لازم كل واحد مما يشرب بالنية التي نواها.
هاني تمام: يجوز تناول حبوب لمنع نزول الحيض فى الحج
وخلال حلقة، قال الدكتور هاني تمام، أستاذ الفقه بجامعة الأزهر، فى رده على ما حكم المرأة الحائض أثناء الحج؟، إن المناسك المتربطة بالحج لا يشترط فيها الطهارة إلا الطواف، لافتا إلى أن كل مناسك الحج من الوقوف بعرفات والسعي بين الصفا والمروة وغيرها، لا يشترط فيها إلا الطواف خاصة يوم العيد.
وتابع العالم الأزهري: أول حاجة السيدة تروح للدكتور تبلغه حسب ظروفها الصحية، هل يمكنها أخذ دواء منع نزول دم الحيض، طيب نفع ومنع الحيض مفيش مشكلة، طيب لو نزل عليها الدم فى الحج تعمل إيه هنا بنقول لها الطهارة فى فترة الحيض طهارة، فى مرأة بينزل عليها الدم 6 أيام، طيب لو انقطع فى اليوم الرابع تتطهر وتقول تؤدى النسك بتاعها مفيش أى مشكلة، ويبقى كده خلصت النسك بتاعها.
واستكمل العالم الأزهري: طيب لو الدم لم يمتنع، نقول لها طواف الإفاضة ده مستمر طوال شهر ذى الحج، طيب لازم تمشى من مكة والدم مستمر تنزل تطوف مفيش مشكلة بس تحاول تأخذ الاحتياطات كلها والأفضل إنها تستمر لحد امتناع الدم، لكن لو لم يمتنع وخلاص هتمشى من مكة تنزل وتطوف ومفيش عليها أى مشكلة.
