السيسي للمستثمرين: بتحطوا إيديكم في أيادي دولة بتكافح عشان تحط نفسها على خريطة الدنيا
قال الرئيس عبدالفتاح السيسي، رئيس الجمهورية، إن الدولة ستواصل جهودها رغم التحديات.
وأردف الرئيس عبدالفتاح السيسي، في كلمته منذ قليل، خلال افتتاح محطة تحيا مصر متعددة الأغراض في محافظة الإسكندرية: يا مصريين اعرفوا يعني إيه دولة، الدولة مش أكل وشرب.. الدولة حاجة تانية خالص، ميناء أهدرت حدودها وضاعت معالمها، بقول للناس كلها اللي في مصر تعرف، بدأنا نعمل حاجة مش في ظروف عادية خالص، لو قلت لكامل الوزير قولي حجم قضايا التحكيم التي دخلنا فيها نتيجة أحداث 2011، بقول ده ليه وفي مستثمرين مش ده شغلهم خالص، بقولهم بتحطوا إيديكم في أيادي دولة بتكافح عشان تحط نفسها على خريطة الدنيا.
وتابع: من سنوات طويلة جدا الناس كانت بانية عمارة جوا ميناء إسكندرية.. أصعب حاجة إنك تدخل على مكان حصل فيه تشويه كبير قوي وبتواجد لناس مضطر إنك تمشيهم، وعشان تمشيهم ماتظلمهمش وتصرف كمان، عشان ميناء إسكندرية يكون ميناء بالمستوى ده، وكامل يقول درة مصر بنتكلم في أرقام كبيرة جدا لتسوية الموضوع.
وأضاف رئيس الجمهورية، أن تطوير الموانئ يهدف لوضع البلاد على خريطة المنافسة والاستفادة من قدراتها وموقعها.
محطة تحيا مصر
جدير بالذكر، أن محطة تحيا مصر متعددة الأغراض، تعد بمثابة أكبر مشروع تطوير يشهده الميناء منذ إنشائه بتكلفة بلغت 7.2 مليار جنيه، لتضعه بين مصاف الموانئ العالمية وتجعل من مصر مركزا لوجستيا في التجارة العالمية، وجرى تنفيذها على الأرصفة 65-66 لتنقل الميناء الذي تمر من خلاله نحو 60 % من حجم تجارة مصر إلى مصاف الموانئ العالمية والمتطورة.
وأنشئت المحطة بتمويل من هيئة ميناء الإسكندرية، وهيئة قناة السويس والشركة القابضة للنقل البحري والبري، وشركة حاويات إسكندرية، وهي المسئولة عن بناء وإدارة وتشغيل المحطة، بتكلفة بلغت 7.2 مليار جنيه، حيث تنقسم المحطة إلى ثلاث محطات تداول فرعية وهي الحاويات، البضائع العامة، السيارات، وتقدر على تداول من 12 إلى 15 مليون طن بضائع سنويا، واستقبال من 6 إلى 7 سفن عملاقة في نفس الوقت.
