ألفت عمر: جالي غدة درقية وكنت بتعذب.. والناس كانت بتقولي إنتي عاملة فيلر ونافخة خدودك
كشفت الفنانة أُلفت عمر، تفاصيل حالتها الصحية، بعد إصابتها بالغدة الدرقية خلال الأيام الماضية، بسبب الضغوط العصبية التي تتعرض لها في مجال عملها بالوسط الفني.
أُلفت عمر: الناس كانت بتقولي إنتي عاملة فلير
قالت أُلفت عمر، في تصريحات لـ القاهرة 24، إنها منذ عدة سنوات، تعاني من زيادة الوزن، معلقة: بقالي سنة جسمي بدأ يتخن وشي بيتنفخ لدرجة إن ناس كتير كانت بتقولي إنتي نفخة خدودك.
وتابعت أُلفت عمر: لكن في السنة الأخيرة ظهرت عليّ أوي الأعراض، وهي الخنقة والعصبية واللغبطة، وبعد الفحوصات أتضح إن فيه غدة درقية، والكسل بيخلي الحرق قليل، وبيعمل مية تحت الجلد.
تفاصيل الحالة الصحية لـ أُلفت عمر
وأضافت أُلفت عمر في حديثها، أن البعض كان يعتقد أنها قامت بعمل فيلر للوجه نتيجة لزيادته، إذ أوضحت: الناس كانت بتقولي إنتي عاملة فيلر.
وعن تطورات حالتها الصحية قالت: دلوقتي ماشية على العلاج، وبعمل رياضة علشان جسمي يبدأ ياخد شكل طبيعي، وكنت بتعذب بقالي شوية لكن محدش يعرف، ولما كتبت حالتي على السوشيال، كان علشان لو حد عنده حاجة يلحقها.
مرض أُلفت عمر
كانت أُلفت عمر، أعلنت تعرضها لوعكة صحية خلال الفترة الماضية، وكتبت منشورًا عبر حسابها الشخصي بموقع فيسبوك، جاء فيه: صباح الفل لما كتير سألوني إيه اللي حصلي قلت أقولكم.. طلع عندي كسل في الغدة الدرقية نتيجة حرق الأعصاب والدم في الشغلانة دي.
تابعت أٌلفت عمر: الغدة بتعصبك وبتحجز الميه تحت الجلد وبتعطل الحرق في الجسم مهما عملت دايت مش هتخس وترجع زي ما كنت.
