مدحت صالح: عندنا إمكانيات عظيمة بالأوبرا.. مفيش حاجة ناقصة غير إننا نحافظ على تراثنا
بدأ المؤتمر الصحفي للفنان مدحت صالح، منذ قليل، الذي يتحدث فيه عن مشروعه الجديد في دار الأوبرا.
وقال مدحت صالح خلال المؤتمر: في محاولة للتحديث والحفاظ على ما تبقى من التراث الغنائي، الأساتذة الكبار سواء اللي رحلوا أو الكبار الموجودين دلوقتي، الفكرة هي حالة حب لكل فنان لعدد من ملحنين يختار منهم، ليه حرية اختيار، في تقديم يوم مع الأساتذة.
وتابع مدحت صالح: بحلم إن كل زملائي يكملوا ويشوفوا بيحبوا مين من الملحنين ويقدموا أعمالهم، بس الإضافة إننا بنعيد هرمنة الأعمال دي، وطول عمرنا نطلع نقول أعمال هو بيحبها.. إحنا عايزين نحدث الموضوع لأن ده هدف، لأن الزمن بيتطور.
تفاصيل مشروع مدحت صالح في دار الأوبرا
وأضاف مدحت صالح: ندي فرصة لما يكون عندي الهرموني بتدي فرصة للفرق الصغيرة، لما يشتغل هنلاقي نفسنا بنسمع الأعمال وبنحدثها.. عندنا إمكانيات عظيمة في الجغرافيا دار الأوبرا، عندنا أشهر عازفين مفيش حاجة ناقصة غير أننا نحافظ على تراثنا، ونقوله للناس وإعادة صياغة للمكتبة الموسيقية.
ويهدف مشروع الفنان مدحت صالح في دار الأوبرا، إلى إعادة إحياء كوكبة من أهم أعمال الموسيقى العربية، لكبار الملحنين المصريين والعرب، وحضر هذا المؤتمر مجموعة من الإعلاميين والصحفيين لتغطية تفاصيله.
