بوسي: نفسي أموت وربنا راضي عني.. وهذه نصيحتي لـ شيرين عبد الوهاب
كشفت المطربة بوسي موقفها من اعتزال المهنة والتفرغ لمنزلها وأسرتها، وتحدثت عن إمكانية تقديم عمل غنائي مع مطربي المهرجانات حمو بيكا، حسن شاكوش، كما وجهت نصيحة للمطربة شيرين عبد الوهاب.
وقالت بوسي خلال تصريحات تلفزيونية، إنها تفكر في الاعتزال، ولكنها تتراجع عن هذه الفكرة بسبب نجومية، موضحة: في أوقات بتيجي على الواحد من كتر الحرب في الشغل والصعوبات في الحياة عموما والمهنة خصوصا ببقى عايزة تسيبها مخضرة، بس برجع أفكر وأشوف قد أيه تعبت وطلع عيني لغاية ما وصلت للي فيه، وشقيت واستحملت حاجات كتير للوصول للنجومية.
وأكدت بوسي، أن هناك خطوات فنية كثيرة لم تنفذها حتى الآن، وتتمنى مفارقة الحياة والله -عز وجل- راض عنها، مضيفة: في حاجات كتير لسه معملتهاش في الفن وبطلب من ربنا دائما ياخدني وهو راضي عني.
وتابعت بوسي: اتعودت أبقى قوية من صغري، بس ممكن يكون بسبب أني ملقتش ليا ضهر أتحامى فيه من صغري ويجيب لي حقي، فبقيت مقوية نفسي بنفسي، وأمي كانت كل حاجة بس في الأول والآخر هي ست، لكن عمري ما ظلمت حد بل ظلمت نفسي في حاجات كتير.
بوسي تكشف إمكانية تقديم ديو مع حمو بيكا وحسن شاكوش
وأكدت المطربة بوسي، أنها لا توافق على المشاركة في دويتو مع مطربي المهرجانات حسن شاكوش أو حمو بيكا، موضحة: لو شاكوش أو بيكا عرضوا عليا أعمل دويتو مش هقبل ومش عايزة أعمل النوعية دي من الأغاني، وهما شغالين بطريقة أنا مش بغنيها.
وأضافت بوسي: حمو بيكا وحسن شاكوش بيغنوا مهرجانات غير الغناء، واللون اللي بغنيه هو الأغاني الشعبية، مشيرة إلى أنها تعتمد على نفسها منذ صغرها لعدم وجود سند لها في حياتها.
بوسي توجه نصيحة لـ شيرين عبد الوهاب
وأكدت المطربة بوسي، عدم غضبها من غناء النجمة شيرين لأغنية آه يا دنيا، قائلة: مضايقتش لما شيرين غنت أغنيتي لأن نجمة كبيرة زيها تغني أغنيتي في بدايتي كانت حاجة كويسة، وأنصحها تفوق وترجع لشيرين بتاعة زمان اللي كلنا عارفينها ودي نصيحة لأني بحبها.
